طريقه ‏عمل ‏الحمام ‏المحشي ‏زي ‏المحلات ‏بظبط

الحمام المحشي ⁦🍽️⁩🍗

الطريقة

بعد ما بنضفه طبعا  ونغسله بالليمون

الحشو

ارز بالخلطه

بصل مكعبات حوالي اتنين كبار 

كبد وقوانص الحمام تقطع صغير 

اتنين كوب ارز مغسول

نتبل البصل بالملح والفلفل ويتشوح في معلقة كبيره سمن بلدي ثم نضيف القوانص وتشوح حوالي خمس دقائق ثم نضيف الكبده وقرن فلفل حامي سليم وقليل من الماء المغلي ولما يتشرب اضيف اتنين ونص كوب ماء مغلي ومعلقة ملح ومعلقة صغيره فلفل اسود واضيف الارز 

وقبل ما يستوي هتاخدي نصه عشان الحشو وتسيبي الباقي يتسوى كويس

الحشو 

كل واحده بتتحشى كويس جدا من البطن والرقبه ونقفلها كويس من تحت وهكذا لغايه مانخلص باقى الكميه .

التسويه 

نغلي ماء وفيها بصلة كبيرة وطماطميه

 ونص فلفلة خضراء وحبهان وورق لورا وبشر جوزة الطيب وفص توم وملح وفلفل 

وانزل الحمام واسيبه يستوى كويس جدا 

التحمير :

بنزلة في زيت متوسط حار جدا مع معلقة سمنه بلدي 

يتحمر من جميع الجوانب

ويخرج على مناديل ويوضع على وشه ملح وفلفل اسود

ويقدم مع ارز بالخلطه 

وبالف هنا وشفا فعلا يستحق التجربه 😋😋🔥