اسهل ‏وابسط ‏طريقه ‏لعمل ‏النوتيلا ‏في ‏البيت ‏...النوتيلا ‏باقل ‏التكاليف ‏واقتصاديه ‏جدا ‏😍

كلنا الكبير قبل الصغير بيحب النوتيلا لكن اقل كميه غاليه جدا جدا لو اشترينها مره التانيه هنلاقي الميزانيه باظت خالص طيب نحرم نفسنا منها بقا لا ابدا مع مدونه كل يوم جديد مع الشيف هنغرق في النوتيلا بطريقه اقتصاديه جداااا ومش. هنحرم نفسنا منها ابدا بس تركزو معايا وهنعرف بمنتها السهوله نعمل النوتيلا وحاجات كتير جدا 🥰

الطريقة

كوب سكر بودر

كوب حليب بودر

٣ معالق كاكاو نوع نضيف وفاتح مهههم جداا

كوب الاربع بندق مفروم ناعم جدا شبه سائل

كوب الاربع حليب وممكن تحتاج اكتر حسب القوام  (حليب عادي مش مكثف بس مش من اللبان عشان الصلاحيه تبقى اكتر فى النوتيلا) 

نضربهم كويس وننزل عليهم بنص كوب زيت وعليه معلقه زبده خط رفيع من فتحه الخلاط القوام هيتقل وهتبقى مظبوطة جداا ودي تركه مهمه اويي من مدونه كل يوم جديد مع الشيف 

ملحوظة 📢📢 عملت كميه كبيرة برطمان نوتيلا حجم كبير يعنى موفرة جدا

وطبعا بنحتفظ بيها فالتلاجه ❤️ 

بتتفرط علي عيش دوست الصبح علي الفطار بتكون وهم وبيتعمل بيها حلويات كتير اووي