اطباق رئيسيه
دجاج كنتاكي زي بره بظبط....اسهل واوفر طريقه لدجاج كنتاكي مقرمشه وحلوه جدا
دجاج كنتاكي بدل ما نروح نصرف فلوس كتير اووي بره مع مدونه كل يوم جديد مع الشيف هنعملها في البيت بمنتهي السهوله وموفره جدا والاطفال والكبار هيحبوها اووووي
الطريقه :
تتبيله الفراخ اللي هتتنقع فيها الاول لمده ٣ ساعات او تتبل من بالليل احسن 😂
كوبايه زبادي عليها كوبايه مايه
معلقه كبيره بودره توم
معلقه كبيره بودره بصل
معلقه ونص كبيره بابريكا
معلقه صغيره ونص ملح
نص معلقه فلفل
بتشرحي الفراخ كدا زي المشويه عشان التتبيله توصل لكل جزء فيها وتسيبيها في التتبيله فتره
......
تتبله كنتكاكي المقرمشه :
كوبايتين دقيق
نص كبايه نشا
معلقه ونص كبيره بابريكا
معلقه كبيره بودره توم
معلقه كبيره بودره بصل
معلقه صغيره ملح
نص معلقه فلفل
ويتقلبوا ع بعض
....
بنخرج الفراخ من التتبيله ونحطها ف الدقيق ويكون جمبك مايه ساقعه تحطيها فيها وتخرجيها تحطيها ف الدقيق تاني وتخبطيها كدا عشان تديكي الشكل اللي فوق ده وتحطيها ف الزيت لمده من ٥ ل ١٠ دقايق حسب حجم الفراخ والكميه دي تعمل حوالي فرخه واحده مش كبيره .
ممكن نعمل جنبها شويه كولوسلو او شويه مايونيز وطريقتهم هنزلها قريب انشاء الله
إرسال تعليق
0 تعليقات