سمك ‏الدنيس ‏بالزيت ‏والليمون....طريقه ‏مختلفه ‏للسمك

سمك الدنيس بالزيت والليمون  😍😍😍😍😍

مع مدونه كل يوم جديد مع الشيف هنعمل اي سمك وكلنا عارفين فؤائد السمك طبعا يلا بينا

المقادير 

سمك دنيس

بطاطس حلقات 

٣ليمون

٦فصوص توم 

فلفل حار مقطع صغير 

شبت مقطع صغير

بهارات ملح وبابريكا وبهارات سمك وكمون 

زيت 

بصل مقطع حلقات

الطريقه 😍😍

 اول حاجه انضف السمك كويس جدا من بطنه وبتشيلي القشور اللي ع السمك بظهر السكينه تمام  وتحت الماء الفاتر تفضلي تغسلي السمك كويس لغايه ماتبقي بطنه بيضا كده تمام 👌👌👌😍وبعمل فتحات ف السمك بالسكينة عشان التتبيلة توصل لكل السمكه  وف المطحنة اليدويه اضيف التوم والفلفل الحار 🔥 المقطع صغير والشبت مقطع صغير  والبهارات معلقه من كل الملح  والكمون وبهارات السمك ونص معلقه بابريكا واطحنهم مع بعض كويس جدا وبعدين اضيف عصير ليمونه ع التتبيلة ومعلقه زيت واقلب كله مع بعضه كويس جدا وبعدين ابتدي اتبل السمك من بطنه ومن ظهرة وف الفتحات اللي عملتها بالسكينة تمام 👌😍 بعدين اسيبه ف التتبيلة مده نص ساعه اكون حضرت صينيه فيها بطاطس مقطعه حلقات  ميكونش سمكها تخين لأن السمك مش بياخد وقت كتير ف الفرن تمام  وكمان معاها بصله صغيره مقطعه حلقات 👌👌😍😍 واضيف باقي التتبيلة ع البطاطس والبصل وابتدي ارص السمك ع البطاطس وأقطع ليمونتين شرائح وابتدي احطها ف الفتحات اللي عملتها ف ظهر السمك ومعلقتين زيت كبار أضيفها ع السمك 😍😍😍 وف فرن ساخن ع درجه حراره عاليه أعلي حاجه عندك 👌👌 ف الرف اللي تحت الشبكه ع طول تقريبا ٢٥دقيقه بيكون استوي واخد لون حلو ويتقدم 😍😍😍😍😍😍 حقيقي طعمه لذيذ جدا والبطاطس مستويه سوا تمام 👌👌😍😍😍😍