كيك ‏القهوه ‏....لعشاق ‏القهوه ‏عملنهلم ‏كيك...حلويات ‏تنفع ‏فطار ‏حلو ‏جدا ‏☕☕☕

كيكة القهوة..                               

المقادير :

٢ كوب دقيق

١/٢ كوب كاكاو

معلقة كبيرة بيكنج بودر

رشة ملح

معلقه خل دي بتشيل زفارة البيض

٣ بيضة

٢ معلقة صغيرة فانيليا

كوب لبن

١/٢ كوب زيت 

كوب و ١/٢ سكر

 معلقة كبيرة قهوة سريعة الذوبان او كيس نسكافيه

مقادير صوص الشيكولاته: 

١/٤ كوب لبن

١/٤كوب زيت 

١/٢ كوب شيكولاته بني مبشورة 

معلقة كبيرة قهوة سريعة الذوبان او كيس نسكافيه

الطريقة : 

في بولة حطي الدقيق ، الكاكاو ،البيكنج بودر  ، رشة الملح

 فى الخلاط حطي البيض ، السكر ، اللبن ،الفانيليا ، القهوة ، الخل والزيت وضربيهم مع بعض وممكن تستخدمي المضرب الكهربائى لو موجود عندك ..

حطي الخليط ده علي الدقيق و اضربيهم مع بعض بالمضرب اليدوي حطي الخليط في صينية مدهونة زيت ورشه دقيق عليه دخليها فرن ساخن لحد ما تستوى (٣٠_٣٥ دقيقة)..

صوص الشوكولاته.

 في حلة ع النار حطي اللبن والزيت يغلوا شيلي الحلة من ع النار وحطي الشيكولاتة المبشورة وقلبها لحد ما تدوب سبيها تبرد شوية وحطيها علي وش الكيكة بعد ما تبرد وممكن كمان تحشي الكيكة بيها  وممكن كمان تزودي كريم شانتي حسب رغبتك 👌🏾

بتبقي حلوه جدا علي الفطار ومخصوصه لعشاق القهوه ☕☕