اسهل ‏طريقه ‏لعجينه ‏الكريب ‏في ‏البيت ‏...عجينه ‏الكريب ‏زي ‏بتاعت ‏بره ‏بظبط

عجينه الكريب 

مع مدونه كل يوم جديد مع الشيف هنقدر نعمل عجينه الكريب بمنتهي السهوله في البيت 

المكونات والطريقه 

في الخلاط بحط ٢ كوب دقيق منخول و ٢ كوب حليب او ميه و ٢ بيضة و رشة ملح و بضربهم سوا و بعدين اصفيه و اخليه ع جنب يرتاح عشر دقايق .. 

و في طاسه لو تيفال يكون احسن لو مش تيفال طاسه عاديه و تكون مدهونه زيت خفيف و ببدا افرش العجينه بالايد بتاعه الكريب  او احرك الطاسه بشكل دائري و نراعي انها تكون ارق حاجة خالص .. طيب معندناش طاسه تنفع هنعمل ايه اكبر صنيه المونيوم عندك و نقلبها ونحطها ع النار "هاديه " و نعمل ع قعرها بس المهم تكون نضيفة جدا 👌🏻 الجيش قالك اتصرف 😂

**

المقدار دا بيعمل اتنين او تلاتة كبار حسب مقاس الصنيه او المقلاه لو حابين كميه ازيد الكميه بتتضاعف بتاعه المكونات 👌🏻

الحشو بقا دا بتاعكو 

اهم حاجه يكون في خضار وصوص مايونيز وياسلام لو جبنه موتزاريلا 

ممكن تحشوه شاورما فراخ او  بانيه او كوردن بلو او شاورمه لحمة او  سي فود او بطاطس بس الي تحبوه الكريب له حشوات مبتخلصش 😌