طريقه ‏عيش ‏الشوفان ‏مهم ‏جدا ‏للرجيم ‏والاكل ‏الصحي

عيش الشوفان يا جماعة طعمه تحفة جدا جدا وصحي جدا و أحسن من العيش البلدي في الرجيم

عامل زي عيش التورتيلا 😍

وطريقته سهلة جدا جدا 

طعمه فكرني بالبتون ساليه 😋

مكوناته : 

٣ كوب دقيق شوفان - ملح - ٣ أكواب ماء - بهارات حسب الرغبة كمون أو زعتر ..إلى آخره.

الطريقة : 

بتحطو نص كوباية دقيق شوفان عليها رشة ملح وكمون أو زعتر ونص كوباية ماية 

بعدين الخليط ده يتحط في طاسة باردة وتكون مبيلزقش فيها الأكل وفيها رشة زيت كده وتسيبها على نار وسط لحد ما تحمر وبعدين نقلب الوش التاني 😊

متحطوش ٣ اكواب الشوفان مرة واحدة عشان الشوفان بيشرب الماية الاحسن وهوا الخليط بيتحمر في الطاسة أحضر نص كوباية شوفان تانية عليها باقي المكونات وهكذا 😀

تعديل : لونه غامق يا جماعة مش مشكلة 😊 زي التوست الاسمر والعيش الاسمر عادي جدا .. بس هوا مش اسمر خالص زيي ما باين في الصورة كده ..

وحقيقي مش ببالغ طعمه جميل جدا .. اللي مبيحبش الشوفان عموما دي حاجة تانية بس طعمه اما بتحطوا كمون بيكون عامل زيي البتون سلايه بالضبط ممكن يتاكل لوحده كده 😍