mini chocolate cheesecacke ميني شوكلات تشيز كيك ..حلويات زي بتاعت المحلات بره ...تشيز كيك

Mini chocolate cheesecacke ❤️

ميني شوكلات تشيز كيك

مع مدونه كل يوم جديد مع الشيف الحلويات مش بتخلص هنقول انهارده نوع تشيز كيك هيطلع زي بتاع بره بظبط 

✍️ أول طبقه 

✳️ بسكوت اوريو (  ٩٠ جرام ) حوالي ١٠ وحدات هنطحنهم في الكبه أو في كيس وندق عليه بالمدق كويس 

✳️ ١ م ك ذبده مذابه  (  ١٥ جرام ) 

✳️ هنقلب البسكوت مع الذبده كويس وفي صنيه التشيز كيك او ورق الكب كيك هنضع البسكوت ونضغط عليه كويس بأي حاجه تكون ليها قاعده صغيرة أو بالمعلقه نساويه كويس وندخله الفريزر لحد ما نجهز الطبقه التانيه 😘

✍️ الطبقه التانيه ⬅️

✳️ جبنه كريمي كيري أو فلادليفيا ( ٢٠٠ جرام ) بدرجه حرارة الغرفه 

✳️ثلث كوب حليب مكثف محلي ( ١٠٠ جرام )

✳️شيكولاته خام قطع مذابه في الميكرويف أو علي حمام بخار  (  ٩٠ جرام ) 

✳️ بيضه بدرجه حرارة الغرفه 

✳️ نص م ص فانيليا 

style="text-align: right;">✍️ في بوله نضع الجبنه ونضرب بالمضرب الكهربائي كويس ثم الحليب المكثف المحلي و ال شيكولاته المذابه ونضرب بالمضرب ثم البيضه و الفانيليا ونضرب بس مش كتير ونطلع الصنيه من الفريزر ونضع الخليط في كيس حلواني ونبتدي نملى في الصنيه وبعد ما نخلص بخله أسنان نحرك الخليط كدا براحه من ع الوش عشان مش يكون في أي فراغات ونكون نفس المستوي 😘

✍️ ندخلها فرن مسبق التسخين علي درجه حرارة ١٦٠ رف إلي في النص ونشغل تحت بس لمده ١٥ إلي ٢٠ دقيقه مش آكتر من كدا 😘

✍️ أنا أخد معايا ١٥ دقيقه بظبط لأن القوالب عندي حجمها صغير مش كبير 😘

✍️الكميه دي عملت ٩ وحدات تشيز كيك ولو هتعملوها في قوالب الكب كيك هتعمل حوالي ٦ وحدات لأن حجم صنيه الكب كيك بيكون أكبر 😘

✍️ لما تطلع من الفرن نسيبها تبرد تماما وندخلها التلاجه ساعتين و نطلعها نزينها 😘

style="text-align: right;">✍️ هنسيح شيكولاته خام في الميكرويف حله مش كتير خالص ونحطها في كيس الحلواني ونقطع حته صغيرة خالص من تحت ونبتدي نزين كل وآحده ع الوش 😘

✍️ والشيكولاتة المبرومه إلي ع الوش دي جبت مقشرة البطاطس ومشيت بيها براحه مش جامد علي قالب شيكولاته خام وطلع الشكل دا بشيلها براحه وبحطها علي قطع التشيز كيك 😘

✍️ ونرجعها التلاجه تاني ساعتين أو آكتر وبعدين ناكلها بالهنا 😘