فته لحمه .... اكلات عيد الاضحي ..... الفته بكل سهوله

الفتتتتتتة 😍😋

الفته. 

مع مدونه كل يوم جديد مع الشيف هنعمل الفته التحفه اللي لا غني عنها في عيد الاضحي

المقادير: 

-  لحمة ( الكمية اللي انتوا تحبوها)

- أنا بغلي ماء و بحط فيها اللحمة مع الخضار و البهارات بسيبها تاخد غلوتين بعدين اوطي علي نار هادئة و اسيبها تستوي براحتها.

* أنا حطيت في شوربة اللحمة ( 2 بصلة/ جزرة/ 4 فصوص ثوم/ حبهان و ورق لورا و حبوب فلفل أسود / عيدان كرفس) 

* علي ميعاد الاكل بحمر منها علي عدد اللي هياكلوا في طاسة مانعة للالتصاق مع 2 فص ثوم مهروسين و ملح و فلفل أسود.

مقادير الأرز: 

1 و نصف كوب أرز مصري مغسول 

2 كوب ماء مغلي 

1 ملعقة صغيرة ملح 

نصف ملعقة كبيرة سمنة 

1 ملعقة كبيرة زيت 

* هنسخن الزيت و السمن و ننزل عليهم بالأرز و هنقلب تقلبتين و نضيف الملح و الماء و أول ما الرز يتشرب الماء هنوطي علي نار هادئة جدا و نسيبه يستوي لمده من 10 ل 15 دقيقة تقريبا. 

مقادير الصلصة: 

عصير 6 حبات طماطم 

6 فصوص ثوم مهروسين 

2 ملعقة كبيرة زيت 

2 ملعقة صغيرة ممسوحة ملح 

3 ملاعق كبيرة خل 

* هنسخن الزيت و ننزل بالثوم بس مش عايزينه يغير لونه يا دوب يطلع ريحته و  بعدين هنضيف عصير الطماطم و الملح و نسيبها تتسبك ل 15 دقيقة علي نار متوسطة و قبل ما نقفل هنضيف الخل و نقلب و نقفل عليها. 

مقادير العيش و طشة العيش: 

2 عيش بلدي مقطع مكعبات 

1 ملعقة زيت 

نصف ملعقة سمنة 

رشة ملح و كمون 

*بقلب كل المقادير مع بعض و ادخلهم علي فرن سخن لحد ما يقرمش (لازم نتابعه و نقلبه كل دقيقتين).

مقادير الطشة: 

2 فص ثوم مهروسين 

6 ملاعق كبيرة شوربة 

1 ملعقة كبيرة خل 

* بنضيف كل المقادير سوا ياخدوا غلوة علي النار و بعدين نشيلهم. 

- أول ما العيش يخلص بنحطه في طبق التقديم و نضيف عليه الطشة و ملعقتين ل 3 ملاعق صلصة و بعدين نضيف الأرز و نضيف عليه اللحمة المحمرة و نضيف صلصة الطماطم و نقدمها. 

عايزين نغير فكرتنا عن الفته بقا الفته مش للعيد بس لا دي وجبه متكامله ومشهوره في كل الدول العربيه مع اختلاف طريقتها يعني في السعوديه بيعملوها كبسه طيب جربتوها لبناني بالحمص وصوص الزبادي والثوم حاجه تانيه خالص لازم تجربوها لو غيرنا فكرتنا وخلينها وجبه اساسيه دي فيها عناصر كتير رز ولحمه وعيش وصوص طيب ما هي طريقتها باخود وقت ما احنا لو عملنا الصوص في اكياس و الدقه وحطناهم في الفريز هتكون الدنيا سهله خاليكي دايما جهزه لي اي اكله علي اد ما تقدري تعملي اكياس صلصه وشوربا وصوصات تخليها عندك جاهزه ليوم مضرين نعمل اكل سريع ضيوف علي غلفله نبقي احنا جاهزين لاي موقف احنا اتحطينا في ساعتها الاكل كلو هيكون سهل وسريع اي سر ان المطاعم ممكن تتطلع اكل جميل وبسرعه بيكون في شيف مخصوص اسمو شيف التجهيزات والباقي كل اللي عليهم يطلعو ويسوي علي طول خاليكي يوم في الاسبوع شيف تجهيزات لبيتك ولسرعه طبخك