تشوكلات فدج. كيك الفدج

كيكه الفدج💮💮💮

خالي باللك المقادير لازم بالميزان علشان تظبط معاكي

المقادير

5بيض

60جرام كاكاو خام 

550جرام سكر

125جرام لبن دافي

150جرام زبدة

100 جرام زيت 

175ميه سخنه

 معلقتين  نسكافيه

 150جرام شيكولاته خام 

300جرام دقيق

فانيليا

معلقه خل

  معلقتين ونص صغيره بيكنج صودا

 10جرام بيكنج بودر

5جرام ملح

💮💮💮

الطريقه

سيحت الزبده والشيكولاته ع حمام دافي 

او ميكرويف اللي متاح عندك والاسهل

في طبق حطيت البيض وخفقته ونزلت السكر بالتدريج وعليه الفانيليا ومعلقه الخل

لغايه ماعلي وعمل فوم ..ونزلت بالشيكولاته والزبده والزيت مع الخفق ثم الدقيق وعليه بقيت المكونات الجافه وهي الملح والبيكنج صودا والبودر  مع التقليب والنسكافيه دوبته في الميه المغليه ونزلت عليه  ع الخليط ومعاه اللبن وقلبت كويس جدا هو بيبقي قوامه سائل شويه 

واحطه في صينيه مدهونه زبده او زيت. ومرشوشه دقيق ودخلتها الفرن ع درجه حراره180اخدت في الفرن تقريبا45دقيقه

💮💮💮💮💮

الجناش اقتصادى جدااا 

تمن كيلو كريم شانتي

وجناش الشيكولاته وهو 200جرام شيكولاته خام..ونص كوب لبن ومعلقه زبدة. 

سخنت اللبن ونزلت بالشيكولاته وتكون متقطعه قطع صغيرة او مبشورة واتركها تبرد تماما واكون ضربت الكريم شانتي  وواخلي قوامه تقيل واخلط الجناش بالكريمه واحشيها بيها واغلف بيها الكيك

ع الوش جبت 250جرام شيكولاته ونص كوب لبن ومعلقه كريم شانتي ومعلقه زبدة سيحته  وخليته يبرد  واخدت منه جزء وحطيته في التلاجه يبرد ويتقل واعمل بي روزتات ع الوش والجزء الباقي اغلف بي الكيك. وع الوش احط اي مكسرات عندك او شيكولاته شيبس او كرسبي المتاح عندك   وبس كدة وبالف هنا  .ً... هي مقاديرها كتير شويه بس الصراحه تستحق التجربه 😋

اتمني تجربوها وتعجبكم