ميني كرواسون مغطي بالشيكولاتة. كرواسون للفطار
ميني كرواسون مغطي بالشيكولاتة🥐🥐👩🍳😋😋
مقادير العجينة:
٥ كوب دقيق
٢معلقة كبار خميرة فورية
٢ معلقة كبار سكر
٢ كوب ماء دافئ
ربع كوب لبن بودرة
نصف كوب زيت
رشة ملح
لدهان الوش:
صفار بيض
رشة نسكافيه
رشة فانيليا
معلقة حليب
طريقة العجين: في بولة نضع ٢ كوب من الدقيق مع ٢ كوب المياه الدافية عليهم اللبن البودرة والخميرة والسكر ونقلبهم لحد ما تبقي عجينة سايلة ونغطيهم ربع ساعة وبعد كدة نجيب العجين ونحط عليهم باقي الدقيق والزيت ورشة الملح ونعجن حوالي ٧ دقايق ونغطيها ونسيبها نصف ساعة
وبعد ما تخمر العجين نقسمها كور حجم وسط ونفرد كل واحدة كويس شكل دايرة ونقطعها مثلثات ونلف كل مثلث ونحطهم في صينية ونسيبهم يخمروا ربع ساعة وندهنهم وندخلهم الفرن علي درجة حرارة ١٨٠ لحد ما يستوي ويحمر ونطلعهم يهدوا خالص ونحط كل واحدة من وشها في الشيكولاتة المذوبة ونحط عليها اسبرينكلز ونسيبهم لحد ما الشيكولاتة تجمد وبالهنا والشفا..
ممكن تحشوه من جوة شيكولاتة كمان..
إرسال تعليق
0 تعليقات