تشيز كيك اللوتس الاصليه كرات زبده اللوتس
تشيز كيك اللوتس الاصليه زي بتاعت نيويورك والمانيا
المقادير
طبقه الدسك
عندي صينيه مقاس ٢٦
الكرست البسكويت ٢٧٠ جرام اي نوع انتي بتحبيها مع ٩٠ جرام زبده مذوبه
اطحن البسكوت ناعم بعد ما يطحن ناعم ازود عليه الزبده لحد ماقومه يبقي زي الرمل المبلول كده
اروح علي الصينيه ودهنا بالزبده وبطنها بورقه الزبده من الدخل ولف دوران كده واسكن بعد كده الكرست فالصينيه واضغط عليه كويس بضهر الكوبايه لحد ما يكون متماسك واخد بعد كده قطعه من الفويل المونيوم واطبقها علي الصينيه عشان هنحط الصينيه في صينيه تانيه اثناء الخبز فالفرن وهنسويها علي البخار ومش عايزين التشيز المياه تدخل للتشيز
ونروح بقي نجهز مكونات التشيز نفسها
معايا ٩٠٠ جرام من الجبنه الكريمي و٣٠٠ جرام من الساور كريم،٣٠٠ جرام من السكر ،٣٠٠م من كريمه الخفق،٤ بيض🥚 ٤ معالق كبار نشا ،معلقه صغيره فانيليا ،معلقه صغيره ليمون 🍋 مع بشر ليمون 🍋
#الطريقه اول حاجه هخرج الجبنه والساور كريم من التلاجه قبلها بنصايه بحيث توصل لدرجه حراره الغرفه وازود عليها نص كميه السكر والساور كريم والنشا وبشر الليمون والليمون واضرب بمضرب سلك يدوي مش كتير عشان مخرجش منها الهوا وبتالي تعمل شروخ فالفرن
واحضر بولة تانيه واضرب فيها البيض مع الفانيليا وكريمه الخفق ونص كميه السكر وكمل ضرب لحد ما احصل علي قوام كريمي اخد الخليط ده واطبقه وحده وحده علي الجبنه من فوق لتحت واسكن الخليط فالصينيه اللي مجهزنها وافرده بالاسبتيولا لحد ما يبقي طبقه واحده اسخن الفرن الاول علي درجه حراره ١٨٠ ودخل الصينه واصب مقدر نص الصينه مياه حوليها ده اللي بيخلي التشيز كيك ماتنشفش وميحصلش فيها شروخ واقفل الفرن واسيبها علي درجه حراره ١٨٠ لمده ٣٠ دقيقه وبعدين انزل بالحراره الي ١٤٠ لمده ٤٠ دقيقه واسيب التشير كيك جوا الفرن بعد ما يستوي لمده ساعه علي الاقل لحد ما الفرن يبرد خالص ونروح نجهز زبدة اللوتس
هنحتاج 250 جرام زبدة اللوتس علي حمام مائي او 30 ثانيه بالميكروويف واسكن زبدة اللوتسعلي طبقه التشيز وتدخل التلاجه تشد ليلة كامله والتزيين زي الصور كده
كورات الباونتي
كوب 🥃 جوز الهند =١٠٠ جرام
ربع كوب 🥃 حليب 🥛للتزيين
١٠٠ جرام شكولاته خام ،١٠٠ م كريمه خفق
مكثف=١٠٠ جرام #الطريقه
في بولة نحط جوز الهند والحليب المكثف ونخلطهم كويس جداا علي بعض لحد مايبقي معانا قوام متماسك نقدر نشكله ونعمل حمام مائي للتشوكلت مع كريمه الخفق او ندخل التشوكلت وكريمه فالميكروويف لمده ٤٠ ثانيه بس كده نغمس الكورات في صوص التشوكلت وندخلها التلاجه لحد ما تتماسك وبس كده
#كورات_زبدة_اللوتس
٢٠ قطعه بسكويت لوتس او ديجيستف =٢٠٠ جرام
ربع كوب 🥃 حليب 🥛للتزيين
٨٠ جرام زبده اللوتس
#الطريقه
نطحن البسكويت ونضيف الحليب المكثف ويبقي معانا قوام متماسك نشكله زي الصور كده ونسيح الزبده ونغمسه وندخله يشيد فالتلاجه
كورات التشوكلت
٢٠ بسكويت اي نوع ساده=١٥٠ جرام ٣ معالق كبار كاكاو = ٢٥
١٠٠ جرام حليب 🥛 مكثف
🥛للتزيين
١٠٠ جرام شكولاته خام ،١٠٠ م كريمه خفق
مكثف=١٠٠ جرام #الطريقه
نطحن البسكويت ونضيف عليه الحليب المكثف لحد ما يبقي معانا قوام متماسك نشكله زي الصور كده نغمسه في صوص التشوكلت وندخله يشيد فالتلاجه
والف هنا👌💚
إرسال تعليق
0 تعليقات