تشيز كيك المانجو حاجه كده تحفه في الصيف. حلويات صيفيه

 

  تشيز كيك مانجو🥭🥭🥭🍰🍰🍰 

المقادير:

البسكويت:

٣ كوب بسكويت سادة مطحون ناعم 

كوب زبدة فيرن سائلة 

طبقة التشيز:

٤٠٠ جرام جبنة كيري سبريد او كريم تشيز

٢ كيس كريم شانتيه دريم او نصف كوب 

١ قشطة بوك 

نصف كوب كريمة حلويات او كريمة لباني 

معلقتين جيلاتين بودرة

ربع كوب ماء دافئ

كيس جيلي مانجو مذوب في ربع كوب ماء ساخن

لطبقة المانجو:

٣ مانجو مقطعين مكعبات

كيس جيلي مانجو

طريقة التشيز كيك:

البسكويت:

نضع البسكويت علي الزبدة ونقلبهم كويس ونفردهم في الصينية ونضغط عليهم جامد ونتركهم في التلاجة ربع ساعة ..

التشيز : نضرب الجبنة الكريمي شويا بالمضرب الكهرباء لحد ماتفك ونضع عليها كيسين الكريم شانتيه والقشطة البوك وكريمة الحلويات او الكريمة اللباني  وندوب معلقة الجيلاتين في ربع كوب ماء ساخن لحد ما تدوب كويس ونحطها علي الخليط وندوب كيس جيلي مانجو في ربع كوب ماء ساخن ونحطهم علي الخليط  ونقلبهم  كويس اوي ثم نضع الخليط علي البسكويت ونتركه في التلاجة ٣ ساعات او لتاني يوم ليجمد..

لطبقة المانجو:

تقطع المانجو مكعبات ونحطها فوق طبقة التشيز ونجيب كيس جيلي مانجو ندوبوا في ربع كوب ماء ساخن ونلمع بيه المانجو وندخلها الثلاجة تسقع وبالهنا والشفا..