ميني بيتزا. تنفع للاطفال في المدارس هيحبوها جدا

 

ميني بيتزا🍕🍕🍕

مقادير العجينة: 

٥ كوب دقيق 

٢معلقة كبار خميرة فورية

٢ معلقة كبار سكر 

٢ كوب ماء دافئ

ربع كوب لبن بودرة

نصف كوب زيت

رشة ملح

سوسيس مسلوق

جبنة موزاريلا

مقادير الصلصة:

نصف كوب عصير طماطم

٢ معلقة صلصة كبار

معلقة توم مفروم صغيرة 

معلقة زعتر ناشف كبيرة

معلقة صغيرة فلفل أسود

معلقة صغيرة سكر

معلقة صغيرة ملح 

ربع كوب ماء مغلي

او ممكن الصلصة الجاهزة 

طريقة الصلصة:

معلقة زيت ذرة نشوح فيها التوم اول ما تطلع ريحتها مش تحمر نحط الطماطم والصلصة وكل البهارات والمياه ونسيبها تغلي غلوتين ونقفل

طريقة العجين:

 في بولة نضع ٢ كوب من الدقيق مع ٢ كوب المياه الدافية عليهم اللبن البودرة والخميرة والسكر ونقلبهم لحد ما تبقي عجينة سايلة ونغطيهم نصف ساعة وبعد كدة نجيب العجين ونحط عليهم باقي الدقيق والزيت ورشة الملح ونعجن حوالي ٧ دقايق ونغطيها ونسيبها ثلث ساعة ونفردها  كلها سمك ٣ سم ونشكلها بقطاعة مدورة او كوباية وتضغطي في النصف شويا ونحط عليها الصلصة والجبنة الموزاريلا انا بحط ميكس من الاصدقاء علي موزاريلا وندخلها الفرن علي درجة حرارة ١٨٠ نعمل الفرن تحت بس لحد ما تستوي العجين وبعد كدة نعمل الفرن فوق الجبنة تسيح ونطلعها وبالهنا والشفا...