جلاش بالكاسترد. كنافه بالقشطه. حلويات شرقيه

 

جلاش بالكاسترد 

المقادير :

الفة جلاش 

ملعقتين كبار بودرة كاسترد 

معلقتين كبار سكر 

كوب حليب

زبدة 

طريقة التحضير:

 نحط الكاسترد البودرة مع الحليب والسكر ونقلبهم على البارد لحد ما يدوب الكاسترد مع السكر خالص. نحط الحلة على نار هادية لحد ما القوام يتقل نرفعه من على النار ونسيبه يبرد شوية نجهز صينية وندهنها زبده ونفرد نصف لفة الجلاش وندهن زبدة

بين كل ورقه والتانية نضيف طبقه کاسترد و نكمل بنصف كمية الجلاش وندهن زبدة برضه بين كل ورقة والتانية ونوزع زبدة سايحة على الوش. ندخله فرن سخن على درجة حرارة 180 لحد ما الوش يحمر ولونه يبقى ذهبي تخرج ونسقيه شربات بارد ونغطيه لحد ما يبرد ونقطعه ونقدمه

كنافة بالقشطة

المقادير: 

نصف كوب سمنة مذابة 

ملعقتين كبار سكر بودرة

ربع كيلو كنافة

الحشو 

كوبين حليب

3 معالق كبار نشا

2 ملعقة كبيرة بودرة كريم شانتيه

کوب قشطة

ملعقة صغيرة فانيليا طريقة

 تحضير الحشو

في حلة نضيف الحليب وندوب النشا والفانيليا وبودرة الكريم شانتيه على البارد ونحطهم على النار مع التقليب المستمر لحد ما تتقل نرفعه من على النار ونضيف القشطه ونقلب كويس ونسيبها تبرد شوية

طريقة التحضير :

نقطع الكنافة قطع صغيرة ونضيف عليها السكر البودرة و السمنة. نجهز الصينيه و ندهنها سمنة و نفرد عليها نصف كمية الكنافة و نضغط عليها كويس و نفرد عليها طبقة من الحشو و نوزعها براحة و نسيب الاطراف فاضيه بدون حشو و بعدين نضيف كميه الكنافه الباقية ونضغط عليها براحه ونوزع سمنة على الوش.

 ندخلها فرن ساخن على درجة حرارة 200 واول ما الاطراف تتحمر نفتح شواية الفرن لحد ما لونها يبقي دهبي نخرجها من الفرن ونسقيها شربات تقيل بارد وهي سخنة ونسيبها مكشوفة لحد ما تبرد شويه وبعدين نغطيها و نقدمها باردة.