بسكوت حبات القهوه بسكوت لعشاق القهوه. الجديد في البسكوت. بسكوت سريع
بسكويت حبات القهوة
المقادير :
نص كوب زبدة بدرجة حرارة الغرفة
نص كوب زيت
نص كوب سكر بودره
بيضة بدرجة حرارة الغرفة
معلقة صغيرة فانيليا سائلة او بودرة
معلقة صغيرة بيكنج بودر
معلقة صغيرة قهوة سريعة الذوبان ( نسكافية)
٢ ملعقة كاكاو خام.
رشة ملح
من ٢ ل ٣ اكواب دقيق
الطريقه :
فى وعاء نحط الزبدة ونضربها كويس بمضرب الكهرباء وعليها الزيت ونضرب تانى كويس وبعدين نحط السكر البودرة ونضرب
وبعدين نحط البيضة ونضرب ونحط الفانيليا اللى حنخلطها مع النسكافيه ونضرب كويس وبعدين ننزل بالكاكاو الخام ونضرب
بعدين ننزل عليهم بالدقيق اللى محطوط عليه البيكنج بودر والملح بالتدريج اول كوب ونعجن بإيدينا وبعدين الكوب التانى ونعجن برده
و اخر حاجة النص كوب دقيق ونلمها بالأيد لحد ماتبقى عجينة لينة مش بتفرول
وبعدين ابدا اشكلها على شكل بيضاوي
وبسكينة نعمل خط فى النص براحة
وارصها فى صينية على ورق زبدة وادخلها الفرن المسخن مسبقا لمدة من ١٠ دقايق ل ربع ساعة
وبالهنا والشفا 👌😋
إرسال تعليق
0 تعليقات