دوناتس. وشويه نصائح من الشيف لعمل دوناتس احترافي

 

دوناتس

المقادیر

-5 كوب دقيق 

- نصف كوب زبده بدرجة حرارة الغرفه

 - كوب وربع حليب دافي 

- معلقه كبيره خميره 

- 2 ملعقة كبيره سكر 

- رشة ملح

- بيضتين بدرجة حرارة الغرفه

- ملعقة صغيره بيكنج بودر 

ملعقة صغيره فانيليا

طريقة التحضير 

- في طبق كبير هنحط كل المكونات ونعجنهم كويس لمدة 10-15 دقيقه لحد ما العجينه تبقا لينه ومش بتلزق في الايد. 

- نغطي العجينه بكيس نايلون ونسيبيها تخمر لمدة ساعه بالظبط لا اکتر ولا أقل.

- نفرد العجينه بالنشابه على رخامه مرشوشه بشوية دقيق بسيط ونبدأ نقطعها بقطاعة الدوناتس ونسيبها ترتاح لمدة نص ساعه 

- نقليها في زيت سخن بس مش اوي لحد ما لونها يصفر، كل وش بياخد اقل من دقيقه نوم مکن نرصها في صینیه مدهونه بشوية زيت وندخلها الفرن على درجة حرارة متوسطه مع تقليبها لحد ما لونها يبقى ذهبي

- نصفيها من الزيت على مناديل مطبخ ورقيه ونسيبها تبرد ونزينها بالسكر البودره او الايسينج أو الشوكولاته المذابه وبالهنا والشفا

نصائح لنجاح الدوناتس 

- لازم نتأكد من نوع وصلاحية الخميره والبيكنج بودر. 

- لازم نعجن كويس حوالي 10-15 دقیقه عشان العجينه تنعم بعد التخمير.

- بلاش نبالغ في کمية الدقيق اللي هنفرد بيها على الرخامه ولما نيجي نفرد العجينه لازم نفردها طبقه سمیکه مش رفيعه 

- ضروري جدأ نسيبها تخمر بعد التقطيع.

- الزيت اللي هنقلي فيه لازم يكون حرارته متوسطه مش سخن 

- ارتفاع الدوناتس في الزيت وظهور خط ابيض في النص يدل على نجاح الوصفه اوي