كيك الاسبونج الايطالي. هتظبط معاكي بس اتبعي التعليمات

 

 كيك الاسبونج الايطالي 

الطريقه مع مدونه كل يوم جديد مع الشيف بالتفاصيل ومظبوطه جدا

المعلومات و الملاحظات 

1- في البدايه الكيكه الاسفنجيه مش بيدخل في مقاديرها لا زيت ولا زبده ولا لبن ولا عصير، انا استغربت لما لقيت ناس بتضيف لبن او عصير الكيكه الاسفنجيه مختلفه عن الكيك العادي 

2- جميع المقادير المستخدمه بيض او دقیق لازم لازم تكون بدرجة حرارة الغرفه یعنی انا دايما بحفظ الدقيق في الثلاجة لكن قبل ما اعمل الكيكه الاسفنجيه بنص ساعه بخرج البيض والدقيق وخلي بالك من المعلومه دي لانها مهمه جدا هتلاقي قطرات مایه تتجمع على البيض بعد نص ساعه کده تقدري تستخدمي البيض 

3- لو عاوزه الكيك بنكهة البرتقال ضيفي برش برتقاله على البيض بدل الفانيليا * مش عصير البرتقال ولو عاوزه بطعم الفراوله ضيفى

روح الفراوله ولكن روح الفواكه تضاف بعد اضافه الدقيق لكن برش البرتقال بيكون مع البيض كبديل للفانيليا 

4 الدقيق والنشا والبيكنج باودر اللي هكتبلكم مقاديرهم تحطوهم مع بعض وضروري جدا جدا تنخلوا الخليط مرتين يعني حطي البيكنج باودر والنشا على الدقيق وانخليهم سوا ومهم اوي مرتین 

5- مهم اوى ان المقادير تكفي صينيه لان لو الخليط اكبر من نص الصينيه يبقى الکیکه هترتفع وتهبط من النص هتبقي معجنه 

6- مهم اوى الفرن يتسخن أثناء تحضيرك الكيك ودرجه الحراره لازم تكون متوسطه لانها لو عاليه او منخفضه هتبقی مشكله الكيكه تبوظ اهم حاجه اظبطي الفرن على درجه 180 واقفلي الفرن لحد ما تخلصي الخليط واخيرا اللي بيخلى الكيكه مکتومه حاجتين مالهومش تالت الاولى انك مضربتيش البيض المده المحدده له وهي ربع ساعه يكون المضرب شغال بدون انقطاع على اعلى سرعه والتانيه انك مضفتيش الدقيق معلقه معلقه ممكن تكونى ضفتيه مره واحده او کميه كبيره كل مره وده يخلي الكیکه طالعه زي العيش ومكتومه

المقادير المظبوطه 

1 - طبعا احنا طلعنا البيض والدقيق قبل العمل بنص ساعه واول ما نبدا نشتغل نسخن الفرن ونجيب الصينيه ندهنها سمنه وبعدين نحط فيها دقيق اكيد انتوا فاهمين العمليه دي. المقادير ودي انا معرفش حتناسبك ولا لا بس عموما وانتى بتصلى الصينيه بتاعتك وطبعا انا معرفش مقاسها يبقى عموما اي خليط لازم يوصل لمنتصف الصينيه لو لقیت لسه عندك خليط ممكن تحطيه في صينيه تانيه اهم حاجه للكيك الاسفنجي ان الخليط ميزدش عن نص الصينيه لانه هيرتفع

 - الكوب المستخدم ل لدقيق لازم يكون هو هو اللي هتقيسي بيه الخليط في السكر والنشا 

- كوب الا ربع سكر ناعم 

- ربع كوب نشا

- 6 بيضات بدرجه حرارة الغرفه

 - كوب دقيق

- ملعقه كبيره ممسوحه بيكنج باودر 

- ملعقه كبيره ممسوحة فانيليا

خطوات التحضير

سخني الفرن وبعدين حطي البيض وعليه الفانيليا او بشر البرتقال وعلى اعلى سرعه اضربي البيض والفانيليا لمدة دقيقتين وبعدين متفصليش الكهرباء عن المضرب وهو شغال بعد الدقیقتین ضیفی السكر مره واحده واحسبي حوالي ربع ساعه على اعلى سرعه في البدايه هتلاقي المزيج عباره عن رغاوي لكن بعد كده هتلاقي المزيج بقي کريمه وحجمها بقى 3 اضعاف حجم البيض في الأول لازم يبقى الحجم تضاعف لاننا عاوزين الهوا اللى خلى البيض ينتفخ اول ما تلاقي الخليط تضاعف بعد الربع ساعه شيلي المضرب خالص ومتستخد میه وش تاني فيه ناس بتحط الدقيق وتشغل على اقل سرعه وده غلط جدا جدا الطريقه دي هتخلي الهوا اللى نفخ البيض يخرج تانى ومش هتبقى هشه ابدا باستخدام معلقه خشب ضيفي معلقة دقيق واحده وقلبي ببطء جدا جدا جدا جدا جدا في اتجاه واحد اوعي تغيري الاتجاه او تقلبيها من تحت لفوق وافضلي ضيفي ملعقه دقيق وقلبي مرتين وظیفی المعلقه التانيه وبرضه قلبي تقلبين بشويش وبراحه جدا لازم يفضل الخليط مرتفع لحد ما تخلص ممكن هنا تضیفی روح الفاكهه لو عوزاها بالفراوله او الاناناس بعد ما تخلصي صبي الخليط بشويش وبمنتى البطء في الصينيه ودخليها الفرن 30-40 دقیقه وبعد اختبريها بعود خشب لو استوت طفي النار عليها واوعي تخرجيها من الفرن خليها جواه لانها لو خرجت وهی سخنه تعرض لهواء بارد وهتبوظ سبيها في الفرن بعد ما تقفليه تلت ساعه تقريبا وبعدين خرجيها 

ان شاء الله لو طبقتي كل معلومه وطريقه انا كاتبها هتلاقي احلى کیکه اسفنجيه عملتيها في حياتك 

وتاني يوم تقسميها 3 طبقات بنفس الطريقه اللي في الصوره وتحشيها بين كل طبقه کریمه او صوص فراوله وزينيها بالطريقه اللي تعجبك ولو مستعجله وعوزاها في نفس اليوم ممكن تحطيها في الثلاجة 3 ساعات مثلا بس اوعي تحطيها في التلاجه بعد ما تطلع من الفرن.