الترسه بالعجوه. معجنات سهله وبسيطه في البيت

 

الترسه بالعجوه

المقادير

نص كيلو دقيق

معلقه كبيره خميره فوريه

معلقه كبيره بيكنج بودر

٢ معلقه كبيره سكر

ربع كوب زيت

رشة ملح

لبن ومياه دافيه للعجن

عجوه طريه للحشو

الطريقه

الاول اختبرت الخميره مع معلقة من السكر في نص كوب لبن دافي وغطيتها وسيبتها تنشط

نخلت الدقيق وعليه البيكنج بودر ورشة الملح وضيفت باقي المكونات معلقة السكر والزيت وحطيت الخميره وكملت عجن بالمياه الدافيه بالتدريج لحد لما العجينه تلم عجنتها كويس وغطيتها وسيبتها تخمر لمدة ساعه

جهزت العجوه عجنتها علي البارد بحتة زبده لحد لما بقت طريه وشكلتها علي شكل صوابع

بعد العجينه مخمرت قسمتها لكور متساوية الحجم وسيبتها ترتاح ربع ساعه وبعد مريحتها فردت اول كوره علي شكل مستطيل وحطيت العجوه علي الطرف ولفيت عليها رول وقفلتها كويس من الطرف ولفيتها دايره وقفلت الطرف كويس وبعدين بسكينه عملت فتحات حواليها كلها علي مسافات متساويه خلصت كله بنفس الطريقه ورصيتها في صواني مدهونه زيت وسيبتها تخمر مره تانيه وبعد التخمير دهنت الوش بصفار بيضه عليها معلقة لبن ورشة نسكافيه ورشيت سمسم وحبة البركه ودخلتها فرن سخن علي درجة حراره ٢٠٠ علي الرف القريب من الارضيه لحد لما احمرت من تحت فتحت الشوايه حمرت الوش واول لما خرجتها رشيتها رشة مياه وغطيتها