تيراميسو سبونج كيك لكل عشاق القهوه

 

تيراميسو سبونج كيك

التيراميسو هو الحل لكل عشاق القهوه مع مدونه كل يوم جديد مع الشيف هنعمل الحلويات والكيك في البيت بشكل سهل وبسيط وبيتك هيكون مختلف ومش تقليدي والتيراميسو كيك جديده وبتبقي حلو جدا علي الفطار وبتساعد علي التركيز والصحصحه

المقادیر

-2 كوب دقيق 

- 2 ملعقة صغيره بيكينج بودر

-  1/8 ملعقة صغيره بيكنج صودا

- ربع ملعقة صغيره ملح 

- 140 جرام زبده في درجة حرارة الغرفه

- كوب سكر

 - 4 بيضات كبار 

- کوب کریمه

 - کاکاو للتزيين 

- ملعقه ونص صغيره فانيليا سائلة

- كوب الا ربع لبن

- 2 كوب إسبريسو سخن

- 4 ملاعق كبيرة سكر بودره

 - 225 جرام جبنه مسكربون

- نص كوب سكر بودره 

- ملعقه ونص صغيرة فانيليا سائلة

طريقة التحضير

 - نسخن الفرن على 180 درجه

 - ننخل الدقيق مع البيكينج بودر والبيكينج صودا والملح ونركنهم على جنب. 

- نخلط الزبدة واللبن مع بعض على نار هاديه لحد ما الزبده تدوب، بس مش هنخليه يغلي.

 - هنخفق البيض على اعلى سرعه لمدة دقيقه ونضيف السكر بالتدريج ونستمر في الخفق لحد ما يتضاعف حجمه ۳ مرات، حوالي 5 دقایق تقريبا وبعدين نضيف الفانيليا ونخلي السرعه متوسطه، نضيف خليط اللبن الدافي في خليط البيض ونخفق على اقل سرعه وبعدين نضيف خليط الدقيق بالتدريج ونستمر في الخفق لحد ما تنزل بالخليط كله 

نقسم الخليط في قالب مدهون بزبده مع رشة دقيق ونخبزه لمده 25 :30 دقيقه

- بعد ما نتأكد من سوا الكيك نوارب باب الفرن ونسيبهم جوا الفرن وهو مطفي 10 دقایق وبعدين نخرج قوالب الكيك ونسيبها تبرد ربع ساعه ونفك الجوانب بسکینه براحه خالص ونخرجهم من القالب ونبدأ في تقسيم الكيك طبقتين من المنتصف وبعدين نسيبهم على جنب ونعمل السيرب ب 2 كوب اسبريسو سخن مع 4 ملعقة كبيره سكر بودره وبعدین نرکنه

 - نجيب طبق غويط كبير ونخلط جبنة الماسكربون والسكر والفانيليا لحد ما الخليط يبقا ناعم جدا. 

- نخفق الكريمه لحد ما حجمها يتضاعف وتتقل معانا، وبعدين نضيف الخليط الماسكربون ونقلب بمعلقه خشب. 

- نسقي طبقات الكيك بسيرب الاسبريسو ونفرد کميه بسيطه من الحشو بين الطبقات ونجمع الطبقات على بعض.

 - نسقي الوش بالسیرب ونفرد باقي كمية الحشو على الوش والجوانب.

- نرش الكاكاو على الكيك. 

- لازم نسيب الكيك في الثلاجة 6 ساعات قبل التقديم.