بيتزا بالشوفان بيتزا دايت

 

بيتزا بالشوفان

المقادير

4 كوب دقيق شوفان

4 ملعقة كبيرة زيت 

كوب لبن رايب

كوب ماء دافي 

معلقة كبيرة سكر

2 معلقة صغيرة خميرة فورية 

2 ملعقة كبيرة حليب بودرة

رشة ملح

الحشو

2 صدور فراخ شرائح

3 معالق صلصة

ملح و فلفل

الخطوات : 

- نخلط المكونات الجافة كويس ونضيف الزيت ونخلطهم مع بعض كويس وبعدين نضيف اللبن الرايب وبعدين نضيف الماء الدافي بالتدريج ونعجن كويس لحد ما العجينة تلم معانا وبعدین ندهنها زيت بسيط ونغطيها وندهنها زيت بسيط ونسيبها تخمر في مكان دافي لمدة ساعة.

- نرش شوية دقيق على الرخامة ونفرد العجينة عليها بالنشابة.

- نسخن الفرن على درجة حرارة عالية وندهن الصينية بالزيت ونرش عليها دقيق بسيط ونحط فيها العجينة اللي فردناها ونسيبها 10 دقائق تستريح وبعدین اضغط عليها بإيدينا ونعملها حواف من الأطراف. 

- اضغط على العجينة بأطراف الأصابع بعدين نخرمها بالشوكة وندهنها صلصة بعيد عن الأطراف.

- نحط الحشو ماعدا الموتزاريلا وندهن الأطراف زيت بسيط اختياري( وندخلها الفرن 10 دقائق.

- نطلعها نحط عليها الموتزاريلا وندخلها الفرن تاني لحد ماتستوي والموتزاريلا تسيح وتاخد لون حلو، وعشان الموتزاريلا تسيح وتمط معاكي لازم تكوني مطلعاها من الفريزر قبل الاستخدام بساعتين لحد ما تفك وتبقى طرية.

هنحط الحشوعلى الوش بعيد عن الاطراف و هندهن الاطراف بالزيت و هتسيبها تستوي في الفرن