الشعريه بالخلطه حلوه جدا للعزومات

 

 

الشعريه بالخلطه

المقادير

نص كيلو شعريه 

بصله مفرومه

معلقتين كبار سمنه

معلقتين زيت

معلقه كبيره عسل اسود

معلقه كبيره صلصه

معلقه صغيره قرفه

معلقه صغيره بهارات سبعه

مكعبين مرقه دجاج 

لتر شوربه

ملح وفلفل

للوجه

نص كيلو كبده متقطعه مكعبات صغيره

كوب لوز شرايح محمر دهبي فاتح

الطريقه

في حله عالنار هانحط معلقه سمنه وزيت ونحمر الشعريه ولما تاخد لون دهبي فاتح نضيف البصل ونشوحه شويه نضيف عليهم الشوربه ومكعبين المرقه والملح والفلفل ورشه قرفه ورشه بهارات ومعلقه العسل والصلصه ونغطيهم ونسيبهم يغلوا كويس وبعدين نهدي النار ونسيب الشعريه تستوي

في طاسه هانحط باقي السمنه وقليل من الزيت ونسيبهم يسخنوا كويس نضيف الكبده ونشوحها مع رشه قرفه و بهارات وملح وفلفل اسود

لما تستوي نرفعها من النار

نقلب جزء من الكبده مع الشعريه ونغرفها في طبق التقديم  والباقي نزين بيه الوش مع اللوز المحمر وتقدم بالهنا والشفا♥️