فراخ مشويه بتانج البرتقال مع الارز بالبسله والجزر

 

فراخ مشويه بتانج البرتقال

المقادير

فرخه نصين بالطول

نص كيس تانج برتقال مايعادل معلقه ك ولو مش عايزه تانج خالص يبقي شيلي ربع كوب الميه المكتوب تحت وبدليه بربع كوب عصير برتقال مع معلقه ك بشر برتقاله وبس كده

معلقه ك صلصه طماطم

زيت

ربع كوب ميه

ربع كوب خل

علبه زبادي

ملح وفلفل

بابريكا

بصل وتوم بودره

طريقه التحضير

هنقلب المكونات كلها مع بعض وننقع فيها الفراخ من بليل افضل وبعد كده ندخلها فى صاج خبز او الشوايه الشبك وتدخل فرن سخن على 180 لمده 45 دقيقه من تحت فقط وبعد كده نشغل فوق ربع ساعه ....

محلول نقع للفراخ

2 لتر ماء 

قرفه خشب

قرنفل

فلفل اسود حب

ورق لورا

حبهان

حله على النار فيها ميه حطي فيها باقي المكونات كلها ...وسبيها تغلي ربع ساعه وبعد كده اقفلي النار واستني تبرد تماما وانقعي فيها اي طيور ...هتشيل اي زفاره او ريحه مش مستحبه ❤️❤️❤️ وتبلي فراخك عادي❤️💪

الارز بالبسله والجزر

2 كوب ارز بسمتي مغسول ومنقوع نص ساعه

زيت

2 كوب ماء مغلي

بسله وجزر مسلوقين نص سلقه

بصلايه صغننه مفرومه ناعم

فلفلايه حامي مفروم ناعم

ملح وفلفل

كاري وكركم

بودره زعفران...او بودره لون برتقالي

حله على النار فيها زيت ننزل بالبصل واول مايكون شفاف نزلي الفلفل الحامي والبهارات كلها وبعدهم البسله والجزر وقلبي 3 دقايق وفوقيهم نزلي الرز وقلبي دقيقه وزودي الميه المغليه ولما يغلي كويس هدي النار وسبيه يستوي براحته