بسكويت الجنزبيل والقرفه

المقادير

2 كوب دقيق وممكن تحتاجي تزودي شويه دقيق حسب نوع الدقيق المستخدم

بيضه كبيرة

6 ملاعق كبار زبدة طرية مايعادل 150 جرام

ربع كوب سكر عادي

نصف كوب عسل أسود

ملعقة ص قرفه

ملعقة ص جنزبيل

ربع ملعقة ص قرنفل مطحون

نصف ملعقة ص بيكنج صودا او معلقه ص بيكنج بودر

ربع ملعقة ص ملح

معلقه ص فانيلا سائله

طريقه التحضير

هنضرب زبده وسكر لحد مايكونو كريمي وبعدها ننزل بالعسل الاسود ونضرب دقيقه وبعدها ننزل بالبيضه مع رشه فانيلا وبعدها  نقلب كل المواد الجافه مع الدقيق وننزل بيهم دفعه واحده ونخلطهم 4 دقايق ...وبعد كده لفيها ف كيس ودخليها الثلاجه نص ساعه وبعد كده طلعيها افرديها وشكلي بالقطاعات ورصي فى صاج خبز مدهون نقطه زيت ودخلي فرن سخن شغال من تحت على الرف الوسط لمده من 12 ل 15 دقيقه وطلعيه يبرد وزينيه براحتك 

مرحله التزين الاقرب الي قلبي😍😋

استخدمت عجينه سكر  فردتها رقيقه على رشه نشا ونقطع بنفس قطاعه البسكوت ونلزق بعسل ابيض او ايسنج ...تعالو نشوف حوار الايسنج ده 

هتلاقي بودره فى محلات خامات الحلواني اسمها بودرخ الايسنج لتزين الكوكيز والدونات هاتي منها 200 جرام وحطي عليهم 35 جرام ميه وقلبي كويس وقسميهم ولوني كل جزء ... استخدمت الوان جل غذائية من شركه #ماجيك

وانقلي الخليط فى كيس حلواني وابتدي انطلقي بقي😍 هستني تجربو الكوكيز الرهيب بتاعنا وتزينو بالحاجات الحلوه دي ❤️❤️ كل سنه وانتم طيبين ❤️