فطيره البطاطس اكله ملهاش حل

 

فطيره البطاطس 

المقادير

2 بطاطس نيه  مبشوره ومعصوره كويس جداااا

2 طماطم بدون القلب

فلفل الوان مفروم ناعم

جبن مشكله

جبنه موتزاريلا

4 بيضات صغيره

كوب ونص دقيق

كوب الا ربع لبن

ربع كوب زيت

2 معلقه ك زبده مذابه...اختياري

ملح وفلفل

بصل بودره

بابريكا

معلقه ك بيكنج بودر

طريقه التحضير

اول حاجه بوله كبيره كده تحطي فيها بيض ولبن وزيت وزبده وتوابل وملح وفلفل وبيكنج وقلبي كويس وبعد كده نزلي كميه الدقيق على 4 دفعات مع التقليب وبعد كده تنزلي كل الخضار وضروري جدااا تعصري البطاطس المبشوره لحد ماتنزل كل الميه بتاعتها ونقلب ونزود شويه جبن مشكله ونصب الخليط فى صنيه متبطنه زيت ودقيق وتدخل فرن سخن على 180 لمده من 20 ل 25 دقيقه وبعد كده طلعيها وحطي شويه موتزاريلا حلوين كده وتدخل تاني تحت الشوايه وبسسس😍😍 بالف هنااا ...طبعا تقدري تزيني ب اي خضار او حتي من غير بعد السوا