الشتا يعني محشي ..محشي صنيه باللحمه

 

محشي صنيه باللحمه

المقادير

باذنجان ابيض واسود

كوسه

فلفل رومى

طماطم مقوره

طماطم مكعبات صغيره

قرن فلفل حامى مفروم ناعم

بصل مفروم

لحمه معصجه

زيت

عصير طماطم

 صلصه طماطم

شبت

كزبره

بقدونس

ملح وفلفل

شطه

بهارات لحمه

سمنه 

شوربه مغليه

طريقه التحضير

هاتي طبق حلو كده😍😍 وحطي في الرز مع اللحمه المعصجه والملح والفلفل ورشه بهارات لحمه ونزود بقي عصير الطماطم المركز والصلصه وشويه زيت حلوين بحبحي ايدك😂😂 ونزود الخضره المفرومه والطماطم المتقطعه صغنن ونقلب كله مع بعض كويس لازم الخلطه تكون بتلمع ولونها احمر وحلو ❤️❤️ نبتدي بقي نحشي المحشي بتاعنا و نجهز تتبيله شرائح اللحمه ....هاتي شرايح لحمه تبليها بملح وفلفل وجوزه الطيب وطماطم وبصل مبشورين وشويه زيت بسيط ....نجهز صنيه مدهونه نقطتين زيت ونرص شرايح اللحمه وفوقيهم المحشي داير مايدوور ورا بعض زى القطر توت توت كده😂😂😂 ونزود شويه شوربه مغليه يدوبك توصل لنص الصباع ....ونطلعه على النار يغلي شويه وبعد كد نزود معلقه سمنه عالوش وندخله الفرن نص ساعه متغطي بورق فويل وفى اخر خمس دقايق نرفع الفويل عشان الوش يتحمر😋😋😋 وكلي احلى محشي صنيه

تتبيله اللحمه

شرائح لحمه

بصل مبشور

جوزه الطيب

طماطم مبشوره

ملح وفلفل