خبز لفة الصوف، الترند الجديد ، 

خبز طرى وهش زى القطن وطعمه يجنن💛🔥

style="text-align: right;">المقادير

 (كوب ونص دقيق (٣١٥جرام

(تلتين كوب لبن دافئ(١٥٠ مل

بيضه

نص معلقه كبيره خميرة فورية (٥جرام)

معلقة كبيرة ونص لبن بودرة (١٢ جرام)

ربع كوب سكر (٥٠جرام)

ربع معلقه صغيره ملح

معلقتين كبار +معلقة صغيرة زبده (٣٥جرام)

 

الحشوة ممكن تبقى شوكولاته ، زبيب ، فواكه مجففه أو حوادق جبنه او لحمه معصجه 

ممكن نقلل السكر ل ٣٠ جرام بس لو  الحشوة حادقة

الطريقة 

نضيف كل المواد الجافة على بعض وبعدين نضيف البيضة واللبن الدافئ ونعجنهم لغاية ما الدقيق يختفى وتبقى عجينه 

وبعدين نضيف الزبدة الطرية ونعجن حوالى ١٠ دقايق لغاية ما العجينة تبقى ملساء 

نغطيها ونسيبها تخمر ساعة لغاية ما يتضاعف الحجم ، ثم نقطعها ل ٥ كور ونسيبها ترتاح ربع ساعة 

بعدين نفرد كل كورة بشكل طولى ونعمل شرايط طولى رفيعة علشان تدينا شكل الصوف ونحشى الحشوة اللى نحبها ونلفها زى الرول ويبقى شكل الشرايط من فوق 

نرصها فى الصينية ونسيبها تخمر ساعة كمان وبعدين ندهن الوش بلبن وتدخل فرن على ١٧٠ من ١٨ ل ٢٠دقيقه حسب الفرن ، وبالهنا والشفا❤️