شبح تشارلي حضر في مدرسة امبابة للبنات!....
شبح تشارلي حضر في مدرسة امبابة للبنات!....
يوم الخميس حالة من الرعب اصيبت مدرسة البنات لما بنتين خرجوا من الحمام وهما ف حالة من الهياج العصبي وعمالين يصرخوا! المدرسين لما شافوا شكلهم والبنات اتفزعوا.. شكلهم كان مخيف اوي.. عينيهم كانت بتنزل دم.. وعمالين يجروا ويصرخوا... وماسكين راسهم وبيخبطوها ف الحيطان! وده عمل حالة من الفزع بين المدرسين والطلاب! والشرطة والاسعاف جت للمدرسة بعد استغاثات!....
الحكاية بدأت من استغاثة أم لما كتبت بوست على صفحتها وقالت ان ف بنتين النهاردة مع بنتي في المدرسة طلبوا منها يلعبوا لعبة تشارلي.. لعبة عبارة عن تحضير جنية اسمها تشارلي والحمد الله بنتي رفضت.. فقالولها طيب هاتي دبوس عشان يشكوا نفسهم وينزلوا دم.. فبنتي قالت لهم لأ مش هساعدكم تأذوا نفسكم وسابتهم وراحت فصلها... /p>
بعدها بنص ساعة المدرسة كلها اتقلبت.. صريخ وحالة ذعر فظيعة بين الطالبات والمدرسين لما البنتين خرجوا من الحمام... هما كانوا بيلعبوا اللعبة ف الحمام... كانت حالة البنتين مفزعه.. رعب شديد وبينزلوا دم من عينيهم وعمالين يجروا ويصرخوا ويخبطوا دماغهم في الحيطان!....
كل اللي شافهم من البنات اتفزعوا وصرخوا وبكوا بشكل مش طبيعي من شدة منظرهم المرعب... لدرحة ان بنتين مع بنتي في الفصل كانوا ف الحمام وشافوا منظر البنتين اللي لعبوا اللعبة دي النهاردة وجالهم صدمة واتحولوا للمستشفى نتيجة لانهيار عصبي! وكل اللي يشوفهم يجيله صدمة وفزع لدرحة المدرسين قفلوا الفصول على الطالبات ومنعوا نزولهم عشان محدش يشوفهم! واخدوا البنتين وحبسوهم ف اوضة بوحدهم لحد ما الشرطة جت وعملوا كردون حاوط المدرسة ومنعوا الدخول والهروج والامهات بره بتصرخ ومفزوعه والدنيا اتقلبت!...
وفي طالبة اسمها شهد قالت ان اللعبة دي خرافات ومش حقيقية... فقررت انها تلعب معاهم عشان تثيت لهم كلامها.. لعبتها فعلا واتفاجئة ان القلم اتحرك! وهنا سابتهم ومشيت وهي خايفه!.. وبعدها الدنيا اتقلبت.. وبتقول انها شافت صاحبتها زي الزومبي عنيهم بتنزل دم ووشهم مخيف! وعمالين يصرخوا!....
كل ده بسبب لعبة ملعونه... خدوا بالكم من عيالكم ورينا يلطف باولادنا... هما فضوليين وبيعلموا حاجات مايعرفوش نتيجتها!...
لعبة تشارلي دي بدأت قصتها تنتشر من خلال فيديوهات على النت سنة 2015 وفكرتها انك بتجيب ورق والقلام رصاص وبطريقة معينة ودعوة شخصية اسطورية ميتة اسمها " تشارلي " بتظهر وتبدأ تبث حالة من الرعب ع اللي بيلعبها! اللعبة دي انتشرت بين الشباب والاطفال كنوع من الغموض... اللعبة دي قابلتها انتقادات كتير بسبب ان فكرتها هي قراءة ( تعاويذ تستدعي الشياطين والارواح الشريرة)!....
#شبح_تشارلي_بمدرسة_امبابة
إرسال تعليق
0 تعليقات