كفته ‏الارز....اسهل ‏طريقه ‏لعمل ‏كفته ‏الارز ‏بطريقه ‏محترفه

كفته الارز 

مع مدونه كل يوم جديد مع الشيف هتبقي سهله وبسيطه ومش مكلفه وابدق التفاصيل

المقادير

نص كيلو لحم مفروم

٢كوب من الارز المغسول المتصفي 

بصله كبيره 

٤فصوص توم 

شبت وكزبرة وبقدونس 

بهارات ملح وفلفل اسود وبهارات لحم وتوم بودر وبصل بودر وبابريكا وشطه وكمون 

عصير طماطم

بصله صغيره مقطعه مكعبات 

معلقه معجون الطماطم 

زيت 

الطريقه 😍😍

اول حاجه يفضل تكون اللحمه جملي تمام خليها ع جنب ،بعدين حضري الارز لازم يكون جاف تمام من اي مياه بعد ماغسلناه وصفناه ازااااي بتفرديه ع صينيه من باليل للصبح هتلاقيه بقا جاف تماما 😍😍 ، وبغسل الخضره الشبت والبقدونس والكزبرة  واصفيها تماما من المياه  ،تمام نبتدي بقا اول حاجه بجيب الارز وبطحنه كويس اوي يبقي بودرة ناعمه وبحضر الكبه وأحط فيها الخضره واضربها كويس بعدين اضيف للخضره البصله والتوم واضربهم مع بعض كويس جدا وبعدين اضيف اللحم المفروم والبهارات معلقه كبيره من كل بهار التوم البودرةوالبصل البودر والفلفل الاسود وبهارات اللحمه  والبابريكا ونص معلقه من الكمون ونص معلقه شطه  لو عايزاها سبايسي 🔥🔥 والملح معلقه كبيره وارجع افرمهم مع بعض كويس وبعدين اضيف الارز المطحون بودرة للخليط واضربهم كلهم مع بعض كويس جدا وانزل الخليط ف بوله واجهز طبق فيه زيت وابتدي أشكل صوابع الكفته ادهن ايدي زيت وارجع أشكل وهكذا لغايه مااخلص الكميه كلها وأجهز  زيت ساخن جدا وابتدي اقلي الكفته مجرد تاخد لون بطلعها ع مناديل مطبخ تصفي الزيت الزياده وبالشكل ده ممكن تفرزيها وتطلع ع التسويه ف الصلصه ،،،😍😍😍 اقولك بقا تسويها ازاااي حله ع النار فيها معلقتين كبار زيت وننزل عليها ببصله مقطعه صغير واول مايبقي لونها ذهبي ننزل بعصير الطماطم ومعلقه معجون الطماطم وبهاراتك بقا ملح وفلفل اسود وتوم بودر وبصل بودر وبابريكا وتسبيها تتسبك كويس جدا وبعدين تنزلي الكميه الكفته اللي انتي عايزاها وتسبيها تستوي مش بتاخد عشر دقائق وبتستوي وبتكون جاهزة 

ومفيده جدا ومش مكلفه