حلويات
عجينه الشتا....المليفاي....اسهل واحلي طريقه للميلفاي واقتصاديه وموفره جداااا
انهارده مع مدونه كل يوم جديد مع الشيف هنعمل عجينه اسمها عجينه الشتا 😅 من المطبخ الفرنسي #الميلفاي 😍
كتير منا بيشتكي ان الزبده بتخرج بره العجينه وان العجينه مابتلمش وبتنشف معاهم واللقمه تيجي تاكليها تلاقيها معضمه ومابتدوبش فالبوق انا هقولك بقي كل التفاصيل والتكنيك بتاعها فالمقاله دي في
طيب عجينه الميلفاي بتتعامل بايه بدقيق وزبده بس يعني مفيش خميره ولا ماده رفع فالعجينه ولا حليب 🥛 وبنقفلها جاتوه او تورتة ايوه ممكن حضرتك تعمليها علي الطريقه الفرنسية جاتوه😅👌😍 وممكن تخزنين منها فالفريزر كمان👌بدل الب
#المقادير
كيلو دقايق ،
٥٥ جرام زبده صفرا ،
٢٥ جرام ملح 🧂
معلقه عصير 🍋 ليمون ،
٥٠٠ م مياه للعجن = كوب 🥃 كبير ونص
الحشو #
كيلو 🧈 زبدة نباتي
١٠٠جرام زبده صفرا
٢٥ جرام سكر عندي التسويه .
دول شغلنا انهارده شويه مقادير قد كده هنطلعو منهم شويه كذا حاجه 👌
#الطريقه
بروح اجيب بوله وقلب الدقيق مع الملح وحطهم البوله وبعدين اخد ال 55 جرام من الزبده الصفرا وقطعها مكعبات صغيره عشان تدوب بسهوله وبعدين انزل بالمياه تدرجيا واعجن كويس بمعني مده لا تقل عن ١٠ دقايق اخدم العجينه كويسه وحطها ف بوله ممسوحه زبده وغطيها وسيبها تتخمر ساعتين وبعدين اجيب كيس من بتاع التلاجه او الاسترتش وقفل عليها كويس جداا عشان العجينه ماتتعرضش للرطوبه من التلاجه وتبوظ معايا واسكنها فالتلاجه ليلة كامله 👍وكده كانت المرحله الاول
المرحله التانيه
اخرج العجينه وارش علي الرخمه دقيق وبعدين اجيب كيس بلاستيك واعمله مفرش واحط معجن الزبده النباتي مع الزبده الصفرا ونفردهم بالمردنه علي شكل مربع بعدين اروح علي العجينه وافردها علي شكل مستطيل زي الصور كده ضعف مربع الزبده اللي انا عملته واسكن الزبده فيها وابدا الف العجينه علي شكل ظرف ✉️ واطبق وافرد كويس زي الصور وبعد ما العجينه بقيت عامله زي المستطيل كده هطبق ٣ تربع العجينه علي بعض والجزء الصغيره عليها
وبعدين افرد تاني وبكده عملت او بونت للعجينه وهغلفه كويس جدا بالاسترتش ودخله التلاجه ساعه بعد ساعه طلعته ونفرده فرده تانيه علي شكل مستطيل بالطول مش بالعرض طوله ٦٠ س وعرضه ٣٠س
وبعدين طبقت المستطيل علي تلت طبقات واضغط تاني عليه وغلفه كويس ودخلها التلاجه لمده ساعه وبكده عملت المرحله التانيه
اطلع العجينه وارجعها علي نفس الابعاد
ودخلها تاني التلاجه وبكده عملت المرحله التالته 👌
ودي كانت اخر تطبيقها عملنها دلوقتي بقي هتفرد ونقطع وندخل الفرن افرد العجينه وجيب طوق وقطع واجيب الشوكه واعمل فتحات فيها ورش عليها سكر وادخلها الفرن علي ١٨٠ درجه لمده ٢٥ دقيقه وبكده ابقي عملت احلي ميلفي👌
ندخل علي الحشوة بقي
معايا ٤ حبات مانجو 🥭
٤٠٠ مل كريمه خفق حيواني
٣٥٠ جرام جبنه كريمي
١٠٠جرام سكر بودر
٣٠ جرام جيلاتين نباتي
١٠٠ مياه 💦 سخنه لجيلاتين
اجيب الفورمه اللي هشتغل فيها مقاس ٢٤
وافرد تحت ورق زبده عشان يسهل معايا خروج التورتة واسكن عليها طبقتين من الميلفاي واسقيها سيرب المانجا او سيرب مياه بسكر
واجيب بوله عندي انزل بالجبنه والسكر ونضربهم مع بعض واجيب بوله تانيه واضرب كريمه الخفق وارح علي النار اسخن ١٠٠ مل مياه وادوب فيها الجيلاتين وانزل بال٢٥ مل علي الجبنه وقلب بعدين احط ربع كميه كريمه الخفق علي التشيز وقلب من تحت لفوق بحيث الكريمه مش تهبط معايا وانزل ببقي كريمه الخفق لحد ما يبقي معايا قوام كريمي ونقلب
اسكنها فالتلاجه لحد ما اخلص تقطيع المانجا
اقطع ٢ حبه من المانجا واعملهم موس المانجو اضربهم فالميكسر وبعدين اصفيهم كويس جداا ف مصافه واروح اجيب حله احطها علي النار وانزل بصوص المانجو وعليه ٢ معلقه كبيره حليب مكثف ونقلب الكلام ده مع بعض لمده لا تقل عن ٣ دقايق بعدين احط عليها الجيلاتين وبكده بقي عندي موس المانجو واقطع ٢ حبه من المانجا شرايح عشان انزل بيها فالحشو
وارجع تاني الفورمه احط طبقه التشيز مع شرايح من المانجو واقفل عليها بكراست تاني من الميلفاي واعمل ٣ طبقات والتزين شكل الصور كده 👌
إرسال تعليق
0 تعليقات