ازاي ‏نقدر ‏نعمل ‏لانشون ‏في ‏البيت ‏بطريقه ‏سهله ‏ويكون ‏مفيد ‏..طعم ‏مختلف بأيد ‏شيف ‏محترف

اللانشون البيتى النضيف الطّعم .. ❤

مع مدونه كل يوم جديد مع الشيف بلاش تجيبوا الجاهز بجد مالهوش اى طعم و لا قوام و لا قيمة غذائية ✖✖

المقادير :

5 مثلثات جبنة

5 بيضات

5 معالق كبيرة دقيق (ممكن تضيفى ليهم 2 معلقة نشا بيخليه ناعم و جميل)

2 مكعب مرقة

نص كوب زيت درة

البهارات :

نص معلقة من ( توم بودر - بصل بودر - بابريكا ) رشة فلفل اسود - رشة جوزة الطيب - رشة حبهان مطحون ( لو مش موجود خدي بذور قلب 3 فصوص حبهان ) رشة لون طعام صحي من العطار ..

الطريقة :

في الخلاط بتضربي  البيض و الجبنة و تنزلى بالدقيق و المرقة و البهارات و اخيرا الزيت

قوامه بيبقا شبه البان كيك 

التسوية :

 ---> فيه طريقتين 🔥🔥

 الاولانية انك تفضي الخليط دا في كيس تلاجة او ورق استريتش و تلفيه ف ورق الومنيوم (فويل) و تحطيه ف حلة فيها مية بتغلى و بياخد حوالي ساعة سوا 

 التانية .. و دي للناس اللي بتقلق من السوا بالطريقة الاولانية .. 

انك تحطيه في صينية او كوبايات مدهونة زيت و يستوي في حمام مية ..

ممكن تضيفيله حبوب فلفل اسود او شرايح زتون للي بيحب ..

#اللانشون_البيتي

#أكل_صحى ❤❤