دجاج ‏تكا ‏...دجاج ‏تكا ‏زي ‏بتاع ‏المحلات ‏بظبط..اسهل ‏طريقه ‏لعمل ‏دجاج ‏تكا ‏🥰😋

دجاج تكا 😍😍 بتتبيله لذيذه جدا وزي بتاع المحلات بالضبظ مع مدونه كل يوم جديد مع الشيف

المقادير 😋😋

دجاجه كامله يفضل لا تزيد عن كيلو ونص 

معلقه صغيرة توم 

بصله كبيره 

علبه زبادي ١٧٠ جرام 

بهارات ملح وفلفل اسود وبابريكا وتوم بودر وبصل بودر وشطه وبهارات فراخ وزنجبيل كركم 

بهارات تكا (بهارات الجراماسالا )من عند العطار 👌😍

معلقه كبيره صلصه 

معلقتين كبار خل 

عصير ليمونه 

معلقتين كبار زيت

 

الطريقه 😍😍

 اول حاجه بالسكينة اقطع الفرخه من الظهر بحيث انها تبقي مفروده واعمل فتحات بسيطه خالص بالسكينة ف الصدر والورك   وبعدين انقع الفرخه ف ماء ومعلقتين كبار خل وليمونه وملح ربع ساعه وبعد كده اصفيها تماما من الماء هتبقي معاكي نضيفه ومفيش فيها أي زفاره  وابتدي اجهز التتبيلة ف صينيه احط الفراخ بعد ماصفيتها تماما من الماء وف بوله ابشر البصل ناعم جدا واضيف عليه بهارات  معلقه صغيره من فلفل اسود وبابريكا وتوم بودر وبصل بودر  وبهارات فراخ  ونص معلقه شطه وزنجبيل ومعلقه صغيره من بهارات الجراماسالا 😍😍والصلصه وعصير الليمونه ومعلقتين الخل واقلب كل ده مع بعضه كويس جدا ( هضيف الملح قبل التسويه ع طول وهقولكم ليه 🤔🤔)  واضيف الزبادي والتوم واقلب كل ده مع بعضه كويس جدا 👌👌👌👌 وابتدي اضيف التتبيلة  ع الفرخه واحاول اوصل التتبيلة ل كل جزء ف الفرخه  واحطها ف التلاجه واسيبها ف التتبيلة مده لا تقل عن ٦ ساعات ولو مستعجله يبقي تلات ساعات طبعا لو ليله من قبلها هتبقي تحفه كل لما الفرخه بتفضل ف التتبيلة بتبقي افضل وبتشرب التتبيلة وبيبقي طعمها تحفه 😍😍 المهم بعد مرور ٦ساعات زي ماانا عملتها بطلعها من التلاجه واضيف معلقه صغيره من الملح ( ليه بقا 🤔🤔 لأن الملح لو حطيته ف الاول بيخلي الفراخ ناشفه لكن كده هتبقي حلوة جدا ) وأجهز الصينيه بفرد ورق فويل ف الصينيه واجيب الشوايه افتحها واشيل اي تتبيله زياده من ع الفراخ وافردها ع شبكه الشوي واقفل عليها  وع وش الفراخ اضيف معلقتين زيت واحط الشوايه ع الصينيه اللي جهزت عليها الفويل وف الرف اللي قبل الأخير ع طول بحط الشبكه بتاعه الفرن وعليها الصينيه وع درجه حراره عاليه ( أعلي حاجه عندك ف الفرن ) الفراخ بتستوي ف خلال ساعه تقريبا وكمان عشر دقائق تحت الشوايه تاخد لون حلو