البفتيك ‏....طريقه ‏جديده ‏لعمل ‏البفتيك ‏..طريقه ‏هتخلي ‏البفتيك ‏مفيد ‏اكتر ‏وطعمو ‏تحفه اكلات عيد الاضحي

البفتيك 

مع مدونه كل يوم جديد مع الشيف هنعملو بشكل مختلف احنا ممكن نجيب بفتيك نتبله نقلي طيب فين تكتنا بقا تعالو اقولكو طريقه جديده مفيده

المقادير 😋😋

نص كيلو لحم شرائح 

بصله كبيره 

معلقتين كبار خل 

بهارات ملح وفلفل اسود وبابريكاوبهارات لحم وتوم بودر حبهان كامل مش بودر 

تلات فصوص ثوم 

جزر مقطع حلقات صغيره 

بطاطس مقطعه مكعبات صغيره

بصل مقطع الي شرائح رفيعه 

مكعبين زبده

الطريقه 😍😍

 اول حاجه شرائح اللحم بتجبيها افردي كيس ثلاجه وتحطي شريحه اللحم وتحطي كيس ثلاجه تاني ع شريحه اللحم وتدقي شريحه اللحم بس خلي بالك علشان متتقطعش منك تحاولي تخلي سمكها رفيع ( اللي معندوش اللي بندق بيه ممكن تستخدمي ايد المطحنه اليدويه الخشبيه وهتقوم بنفس الوظيفه ) بعد مابنفرد كل شرائح اللحم 😍😍 احضر التتبيلة عباره عن بصله كبيره اقطعها الي شرائح  وأحط عليها الخل ومعلقه كبيرة من الفلفل الاسود وبهارات لحمه وتوم بودر و٥فصوص حبهان ونص معلقه بابريكا  وملحوووووووظه هامه جدا بنخلي الملح قبل التسويه ع طول 👌👌 واقلب كل ده مع بعضه الخل وشرائح البصل والبهارات وابتدي انزل شرائح اللحم فيها واقلبهم مع بعض كويس عشان التتبيلة توصل لكل شريحه لحم  واسيبها  ف التلاجه من باليل يعني تقريبا ١٢ ساعه بتدي نتيجه هايله لكن لو مستعجله أقل حاجه تلات ساعات قبل التسويه 😍😍 خلاص عدت ال ١٢ ساعه احضر الخضار بتاعي الجزر والبطاطس  وف طاسه ع نار متوسطه اضيف الزبده مع معلقتين كبار زيت واضيف التوم مقطع صغير اول بس مايبتدي لونه يبقي وردي انزلي بشرائح اللحم ف الطاسه تاخد لون حلو من الجانبين  واشيلها احطها ف طبق وف نفس الطاسه انزل بالخضار اللي حضرته والبصل واشوحهم مع بعض واضيف البهارات ملح وفلفل اسود وبابريكا وتوم بودر و بهارات لحمه وتقليبه وانزل بشرائح اللحم ع الخضار واضيف ٢كوب من الماء المغلي واضبط الملح واسيبها ع نار متوسطه لمده عشر دقائق بس وبتلاقي كل حاجه استوت تمام اللحمه تسويتها مضبوطه جدا والخضار مستوي تمام 👌👌😍 والخضار واخد من طعم اللحمه وشرائح اللحم طعمها بجد لذيذه جدا وبتتقدم 

احنا ضفنا الخضار هيدي طعم وكمان مفيد وحاجه جديده برضو