الممبار ‏......اكله ‏كلنا ‏بنحبها ‏...وكمان ‏في ‏عيد ‏الاضحي ‏كل ‏حلويات ‏اللحمه ‏بنستخدمها ‏..اسهل ‏طريقه ‏للممبار😋

المقادير:

1/2 كيلوممبار 

3/4 كيلو رز 

مقداربقدونس وشبت وكسبرة خضرة ونعناع

 6 ثمرةعصير طماطم معلقة كبيرة صلصة

 بصالتين كبار

 مقدارملح وفلفل وكمون وشطة وقرفة بودر 

 ملعقة صغيرةسكر 

التحضير:

هنقطع الممبار بحجم مناسب

. ونبتدي نجهز الحشوة بتاعة الممبار

. هنغسل الرز ونصفيه

. ونجهز الخضرة ونقطعها

. ونعمل بقي التسبيكة

. اول حاجة هنجيب بصلتين كبار ونقطعهم او نبشرهم زي ما تحبوا

. ونحطهم في حلة مع حتة زبدة وشوية زيت لحد ما البصل يدبل ويتغير لونه

. ونضيف عليه عصير الطماطم ومعلقة الصلصة ونسيبهم يتسبكوا شوية

. وبعدين نضيف التوابل كلها ونظبط الملح وبعدين نضيف معلقة صغيرة سكر بتخلي الطعم غير ومميز

. ونطفي عليها ونسيبها تهدي شوية

. بعدين نضيف عليها الرز والخضرة وماننساش رشة نعناع ناشف بتدي نكهة جامدة اوي الطبخ

:. بعدين نبتدي نحشي الممبار بالحشو اللي مجهزينه

. وبعد مانخلص حشو نبطط الممبار شوية

. عشان لما الرز بيستوي بيزيد حجم الممبار فعشان يطلع حجمه مظبوط وما يبوظش مننا

. كمان واحنا بنحشي نخلي الاطراف بتاعة الممبار فاضية شوية

عشان الرز ما يقعش منها وتقفل بسهولة لما ننزله في المية

. بعدين بنجهز حلة فيها مية وحبهان وبصلتين ومكعب مرق وجنزبيل بودر وفلفل اسود وملح

. ونسيبها تغلي كويس اوي

. واحنا بنحط الممبار في الحلة نمسكه بايدينا من الطرفين بتوعه مش من طرف واحد

. عشان الرز ما يقعش منك في المية

. واول ما هتحطيه في المية هتلاقي الاطراف بتاعته قفلت علي طول

. نسيب الممبار علي نار متوسطة لمدة ساعة الا ربع تقريبا لحد ما الرز يستوي كويس وكمان الممبار

. بس برضه ما يمنعش انك تتابعي السوا من بعد مرور نص ساعة

ممكن يكون استوي عشان ما يتهريش مننا ويبوظ

. واول ما يستوي نطلعه من المية علي طول ونسيبه يبرد

. بعدين نجهز طاسة فيها زيت غزير ونسخن الزيت كويس ونحط فيه الممبار ونسيبه يتحمر كويس

. وكل واحدة بقي وذوقها في التحمير اللي عايزاه يتحمر اوي تسيبه مدة اطول

طبعا كلنا بنموت في الممبار وداخلين علي عيد الاضحي وبنحب نستفاد بكل حاجه في الدبيحه 

وعلي فكره ممبار الخروف كمان بيتعمل وطعمو حلو جدا بس هو متعب شويه في القلب والحشو وعيد سعيد علينا كلنا انشاء الله