مربي ‏المشمش....هتوفر ‏معانا ‏كتير ‏ده ‏غير ‏الطعم ‏التحفه ‏...وبتقوي ‏المناعه ‏جداااا😋😍

مربي المشمش..

المقادير : 

كيلو مشمش قطع صغيرة (تقدري تزودي الكمية )

كيلو الا ربع سكر 

1/4 م ص ملح ليمون (بديل الليمون للمربي وكمان مادة حافظة) وعصير الليمون بيغير طعم المربي .

الطريقة :

في بولة حطي المشمش والسكر وقلبيهم كويس مع بعض وسبيهم ليلة في التلاجة علشان ينزل مياته وده هيفرق في طعم المربي ،وتاني يوم حطي المشمش بالسكر والمياة في حلة ع النار تغلي حطي ملح الليمون وهدى النار خالص  لحد ما المربي تستوي ..

مدة التسوية حوالى نص ساعة (للكمية دي الكيلو من الفاكهة )، بعد تلت ساعة اختبرى اذا كانت المربي استوت ولا لسه (خدى معلقة صغيرة من المربي وحطيها ع طبق وبايدك وكانك بتقسمي المربي من النص اذا المربي لمت ع بعضها ع طول يبقي لسه محتاجة سوى تاني )

بعد ما المربي تستوى سبيها تبرد وبعدان حطيها في برطمانات ازاز  ناشفة ومعقمة علشان المربي تقعد اكبر مدة ممكنة ، واحتفظي بها في التلاجة ، ولما تاخدى من برطمان المربي ، تستخدمي معلقة نضيفة وناشفة تماما ..

علي فكره مربي المشمش مفيده اوي وبتقوي المناعه ومفقده اوي للاولاد

وبالهنا 😊😊