اطباق رئيسيه
المكرونه البشاميل بطريقه محترفه....مكرونه بشاميل زي الفنادق ....طريقه مضمونه للمكرونه بشاميل
مكرونه بالبشاميل ناس كتير بتعتبرها اكله صعبه ومش بتظبط معاه مع مدونه كل يوم جديد مع الشيف هنعرف ابسط طريقه للبشاميل ومضمونه
المقادير :
نص كيلو لحمه مفرومه
كيس مكرونه ولتجيهزها(هحتاج زيت ورشه ملح وفلفل أسود )
بصله كبيره متقطعه
٢معلقه زبده
٣فصوص توم مفرومين ربع كوب موتزريلا
٢ حبه فلفل أخضر متقطع
زيتون متقطع
بهارات مشكله معلقه صغيره من(ملح فلفل أسود كمون كزبره بابريكا بهار لحمه )
٣قطع جبنه مثلثات متقطعه
٢ معلقه دقيق
٣كوب لبن (ملح وكاري وفلفل أسود للباشميل)
ربع كوب جبنه تركي متقطعه
شويه زيتون علي جبنه تركي علي جبنه موتزريلا
الخطوات:
نجهز المكرونة هنجيب حلة فيها ماية نسيبها تغلى وهنحط عليها معلقه زيت ورشه ملح وفلفل أسود وننزل عليها بالمكرونة ونسيبها عشر دقايق على نار عالية وبعدين هصيفها وهنسيبها وهنعصج اللحمة
هنجيب طاسه وهننزل عليها بزيت ولما يسخن هننزل عليه بمعلقة زبدة والبصلة المتقطعة وهنشوحها تشويحه خفيفه وهننزل عليهم بالثوم وهنقلبهم شويه وبعدين هننزل باللحمة المفرومة وهنقلبهم وهننزل عليهم بالفلفل الأخضر والزيتون والبهارات وهنقلب لحد ما تستوي على نار متوسطه ولما تستوي هننزل عليها بالموتزريلا والجبنة المثلثات وهنقلبهم دقيقه ونطفي النار وهنجهز طبقه البشاميل هنجيب حلة وهننزل عليها بمعلقة زبدة والدقيق وهنقلبهم عشان ميكلكعش مننا لحد ما يصفر لمدة دقيقة وهننزل عليهم باللبن ونقلب لحد ما القوام يتقل معانا وهننزل عليهم بالكاري والفلفل الأسود والملح وهنقلبهم ولما يتقل معايا هاخد منه كوبايه وهنزل بيها على اللحمة الي جهزتها عشان تاخد طعم البشاميل وهجيب الصينية وهنزل عليها بشويه بشاميل صغيرين وهنزل عليهم بنص كميه المكرونه وهنقلبهم سوا وهنفردهم على الصينية وبعدين هننزل عليهم ب تلت أربع كميه اللحمة وهنفردها كويس وبعدين هننزل عليها بالجبنة التركي ونوزعها عليها وبعدين هننزل بباقي المكرونة وهنفردها وباقي اللحمه وهنفردها وباقي البشاميل وهنفرده كويس وهننزل على الوش بالزيتون والجبنة الموتزريلا والجبنة التركي وندخلها الفرن على درجه 180 لحد ما تاخد لون وهنقدمها
احنا نعملها كده في الفندق وبتطلع تحفه ممكن في البيت ميكونش في كل الامكنيات فا لو كده نكتفي بالجبنه المثلاثات ونجيب شويه موتزريلا في انواع رخيصه
جربوها تستاهل
إرسال تعليق
0 تعليقات