الحواوشى ‏مين ‏فينا ‏مش ‏بيعشقه ‏ ‏🙈 🙈 ‏

الحواوشي

😊☺️ بكل تكاته و حركاته 😋 

بطعم مختلف بأايد شيف محترف

 المقادير:

1 كيلو لحمه مفرومة عليها قطعة ليا 200 جرام او 200 جرام دهن

 يعنى حوالى لكل كيلو لحمه بنضيف ليه ربع كيلو دهن 

8 فصوص توم مفروم ناعم + 2 بصله مكعبات + 2 طماطم مكعبات + فلفل الوان أحمر و أخضر و أصفر

التوابل ☺️

ملح + معلقه كبيره بهارات حواوشى + 1/2 حبة جوزة الطيب مبشورة + معلقه كمون صغيره + معلقه فلفل اسود صغيره + معلقه كسبره ناشفه صغيره + معلقه شطه كبيره ( أختيارى ) + معلقه بيكنج بودر كبيره ( عشان اللحمة تبقا متماسكه و مش مفروله و متكشش اوى )

 الطريقة :

1 - نخلط اللحمه المفرومه مع التوابل و التوم المفروم نقلبهم كويس جدااا .

2 - نضيف بعد كده كل الخضراوات البصل والطماطم والفلفل الالوان و نقلبهم كويس جداا 

3 - نجيب العيش البلدى الصغير و نحط فيه الحشو و نضغط عليه باليد .

4 - ندهن العيش من الناحيتين زيت عباد او زيت دره عشان ماينشفش .

5 - ندهن صاجه الفرن زيت و نرص عليها الحواوشى .

6 - ندخل الحواوشى الفرن فى النص اللى مولع قبلها ب 10 دقايق على 180 درجة 

7 - بعد 7 دقايق لما نلاقى لون الرغيف من تحت حلو وكده وبدأ يحمر نقلب الرغيف على الوش التانى بردوا نفس المده 

8 - نطلع الحواوشى و نحطه فى حله ونغطى عليه 10 دقايق لو عايزينوا يبقا طري و لو عايزينوا مقرمش نطلعه وناكل على طول  💪😋😋