البيتزا الايطالي. وشويه نصايح علشان تبقي بيتزا زي بتاعت المحلات

 

البيتزا الايطالي

وشوية نصائح لعمل بيتزا زي المحلات

المقادیر 

- 4 ونص كوب دقيق. 

- كوب ونص مياه دافيه 

- 4 معالق كبيرة زيت زيتون.

 - معلقه ونص صغيره عسل.

 -2 وتلت ملعقة صغيره ملح. 

-3 وتلت معلقه صغيره خميره جافه

طريقة التحضير

- دوبي العسل في المايه السخنه وضيفي الخميره وحركي وتسبيها 6 دقاق تتخمر.

- تجيبي طبق عجن غويط تخلطي الدقيق والملح وبعدين تضيفي خليط الخميره و 3 معالق كبيرة زيت زيتون وتعجبني لحد ما تلاقي العجين زي كوره لزجه کده

- تسيبي العجينه نص دقیقه ترتاح وتعجنيها تاني على سطح مرشوش بشوية دقيق لمدة 6 دقائق اقل واجب. 

- ادهني طبق واسع بمعلقة زيت وحطي العجينه فيه وحركيها لحد ما تتغطى بالزيت.

- حطي العجينه في كيس بلاستيك وفرغي الهوا منه واقفيه وحطيه في جو دافي لمدة ساعه وربع.

- اضغطي على العجينه لحد ما تهبط شوية وقسميها قطع حجمها متوسط بالسكين.

- اعملي من كل قطعه کورة عجين وحطيها على سطح الرخامه واضغطي عليها بايديكي وامسكيها العجينة ودحرجيها لحد ماتنعم. 

- حطي كل قطعه في کیس بلاستيك ودخليهم الثلاجة لمدة 24 ساعه وبعدين تخرجيه وتسيبيه يهدا ساعه قبل ماتستخدميه في جو الأوضه

- حطي قطعة العجين على الرخامه وافرديها، وبعدين حطيها في الصينيه.

- حطي الصلصه فوق العجينه ووزعي عليها الخضار والزيتون والجبنه الموزاريلا. 

- حطي البيتزا على رف الفرن اللي في النص على درجة حرارة 180 لمدة 20 دقيقه لحد ماتستوي والجبنه تدوب.

نصائح 

- انخلي الدقيق كويس قبل ما تستخدمه 

- بلي ايدك بشوية مايه وانتي بتعجني 

- ممكن تحطي قطع العجين في الفريزر أسبوعين بس اهم حاجه تكوني قافله عليهم الكيس كويس ومفرغاه من الهوا.

 - بلاش تبالغي في فرد العجينه عشان تستحمل المكونات اللي بتحط عليها.

- ماتحطيش مكونات كتير لانها كده هتاخد وقت اطول على ما تستوي وممكن تتحرق منك كفايه 3 مكونات بس

- عشان تخلي الجبنه تغطي البيتزا كلها وتمط معاكي هتجيبي كباية لبن تغليها وتحطي عليها نص كباية جبن مزاريلا ونص كباية جبن شيدر مبشوره عليهم معلقة دقيق نیره دايبه في شوية مياه وبعدين تحطيها على وش البيتزا.