نابليون كيك. الكيك الجديد وصل. كيك للمدارس والتركيز

 

نابليون كيك

الكيك الجديد وصل زهنا من كتر تكرار الكيك مع مدونه كل يوم جديد مع الشيف هنعمل كيك جديد الاطفال والكبار هيحبوها اوووي

المقادیر :

كوب الا ربع زبدة (180 جرام)

كوب سكر

ثلث كوب عسل

ملعقة صغيرة ونصف بيكنج صودا

3 بيضات

4 اكواب دقيق

رشه ملح 

مقادير الكريمة : 

كوبين كريمة خفق 

کوبین ساور کریم (يمكن استبداله بزبادي)

كوب وربع سكر بودرة 

ملعقة صغيرة فانيليا

طريقة التحضير 

- في حلة على النار ندوب الزبدة وننزل عليها بالسكر والعسل ولما يبدأوا يغلوا ونحس انهم دابوا هنحط عليهم البيكنج صودا ونقلب لحد ما لونهم يبقی عسلي نرفعها من على النار عشان لونه هيفضل يغمق 

- نسيب الخليط ده يبرد ربع ساعه وبعد كده هنضيف عليه البيض بالتدريج ونخلط كويس ونزود بعدها الدقيق تدريجيا، ممكن نحتاج دقيق اكتر من المقادیر حسب درجة امتصاص الدقيق للسوائل لحد ماتبقى العجينة ماسكة نفسها ومابتلزقش وفي نفس الوقت طرية ونسيبها تستريح نصف ساعه

هنقسم العجينه 8 اقسام ونفرد كل جزء ونعمله شکل دایرة ممكن تستخدمي صينية دائرية مثلا.

-ونخرمه بالشوكة ونخبزه علي ورق زبده في فرن بدرجه حرارة 180 لمدة 7 دقائق في الرف الاوسط ونطلعها نحطها في فوطه نضيفه

- نخفق كل مكونات الكريمة بالمضرب الكهربي وندهن كل طبقه من الكيك بشوية حليب صغيرين بالفرشاة عشان تفضل طرية ونحط الكريمة بين كل طبقة والتانية. 

- فتي العجينة المتبقية ورشيها على وجه وأطراف الكيك او زينيها حسب الرغبة وقدميها فورا