كيك الفهد. كيكه اقتصاديه وسريعه التحضير وشكلها تحفه

 

🌹كيك الفهد 🌹

🌹 المكونات🌹

🌹3  كوب دقيق 

🌹2  كوب سكر 

🌹4  بيضات 

🌹1 كوب لبن سائل

🌹 نصف كوب زبده بدرجه حراره الغرفه

🌹نصف كوب زيت

🌹نصف باكت بيكنج بودر حوالى معلقه كبيره ممسوحه مش هرميه

🌹فانليا 

🌹 رشه ملح

🌹ملعقه صغيره خل 

🌹الطريقه 🌹👇

فى الخلاط هنضع البيض ومعلقه الخل والفانيليا والسكر ونخفقهم على اعلى سرعه و نخفقه لحد ميتضاعف حجمه  اثناء الخفق هنضع الزيت الزبده اللبن ونخفق جيدا لحد منحصل على خليط  هش وكريمى وفلافى اثناء الخفق نحضر بوله ونضع فيها الدقيق  المنخول والبيكنج بودر المنخول وبكرر منخول ورشه ملح ناخد الخليط ونضعه على الدقيق ونقلب بهدوء علشان منخرجش الهواء إللى فى الخليط  كدا الخليط جاهز   نحضر بولتين صغيرين ونضع فى كل بوله خمس ملاعق كبيره من خليط الكيك نضيف على الطبق الاول ملعقتين كبار كاكاو خام ونضع على الخليط الثانى باكت قهوه سريعه الذوبان وليكن نسكافيه بلاك   دول إللى هنعمل بيهم شكل الفهد و بعد منجهز الكيك ونضعه فى الصينيه نضعه فى فرن ساخن مسبقا على درجه حراره 180 على رف أوسط لمده نصف ساعه نخرج الكيك على شبكه تبريد  لحد متبرد وبعدها نزيل ورق الزبده من القاع والجوانب بهدوء هنحصل على الشكل ده كيك مرتفع وهش وطرى ومسامات مقفوله وناجح جدا 👌 وشكل وطعم ممتاز 

 وبالف هنا 🥰

🌹ملحوظه 🌹

🌹الدقيق لازم يتنخل  علشان الكيك يبقي هش ومفهوش اى تكتولات 

🌹 البيكنج بودر لازم يتنخل  لكى نتجنب  وجود نقاط غامقه على الكيك وايضا لكى يكون الكيك هش ومنزودش عن المقدار المسموح بيه علشان الكيك ميشققش 

🌹 الصينيه لازم تكون مناسبه  استخدم اى صينيه واى حجم المهم نضع فيها خليط الكيك لحد المنتصف ومش لازم لو تبقي خليط نضعه بأكمله ممكن تعملى صينيه تانيه

🌹 ممكن تحطى كوب زيت بدل منحط نصف زيت ونصف زبده بس انا بفضل نصف ونصف علشان الزبده بتدى نكهه وتعلى التست وريحه  تحفه والزيت بيدى هشاشه للكيك

🌹 الخل بيقضى على اى زفاره حتى لو عرضتيها للهواء مفيش زفاره بيض اطلاقا

🌹كل المكونات بدرجه حراره الغرفه

🌹المقدار ده يكفى لصينيه مقاس 28

الصينيه او القالب  يستحب يكون الومنيوم بيوزع الحراره بطريقه مظبوطه 

🌹 واحنا بنشكل الرسمه مش لازم تبقي مثاليه نعملها بطريقه عشوائية هتحصلى على شكل مظبوط