البسبوسة. الجديد بقي كيكه البسبوسة

 

البسبوسة

المقادیر :

کوبين ونصف سميد ( 500 جرام) 

نصف كوب سمنة

كوب سكر 

كوب حليب أو زبادي أو لبن رايب 

2 معلقة كبيرة جوز الهند (اختياري)

 ولكن أنصحكم بيه معلقتين كبار شربات تقيل أو عسل نحل أو عسل جلوكوز

طريقة التحضير : 

نخلط الحليب مع الشربات أو العسل والسمنة والسكر ومعلقتين جوز الهند على نار هادية لحد التدفئة فقط ونرفعهم عن النار وننزل عليهم بالسميد ونقلبهم ونبسهم مع بعض كويس لحد ما المكونات تتجانس مع مراعاة عدم العجن. 

نجهز صينية مقاس 28 وندهنها سمنة وطحينة وبعدين نبل إيدينا ماء ونفرد فيها الخليط ونحددها بالسكينة ممكن نزينها بالبندق أو اللوز أو السوداني حسب الرغبة

ندخلها الفرن على درجة حرارة 180 درجه لمدة 20 دقيقة

ونسقيها اول ما تطلع من الفرن بشربات خفيف سخن ملحوظة مهمة البسبوسة بتبوظ لما تتعجن وتتقلب جامد وتضغط بالفرد في الصينية يادوب تقلبي تقليبتين وتمزجي المكونات بس وتخبطي الصينية خبطتين على الرخامة عشان لو فيه هوا يخرج.

كيكة البسبوسة

المقادیر 

2 كوب دقيق منخول

كوب سميد خشن

كوب زبادي

كوب سكر

كوب زيت نباتي معلقة كبيرة خل

4 بيضات ملعقة كبيرة فانيليا

معلقة كبيرة بيكنج بودر 

ربع معلقة صغيرة ملح

2 كوب شربات (قطر أو شيرة)

فستق حلبي مفروم للتزيين

 طريقة التحضير

اخفقي البيض مع السكر والفانيليا وضيفي الخل وقلبي. ضيفي الزيت واخفقي وبعدين ضيفي الزبادي والسميد والدقيق والملح والبيكنج باودر واخلطي المكونات كويس لحد ما تحصلي على خليط ناعم ومتجانس.

ادهني صينية بالقليل من الطحينة وصبي المزيج فيها ودخليها الفرن على درجة حرارة 180 درجة لمدة 45 دقيقة لحد ما تستوي. خرجيها من الفرن وسيبيها تبرد شوية، وبعدين وزعي الشربات فوقها وزينيها بالفستق الحلبي وقطعيها وقدميها.