بيتزا فاهيتا الدجاج بيتزا كلنا بنحبها بطريقه سهله وبسيطه

 

بيتزا فاهيتا الدجاج 

المقادير :

2 كوب دقيق

ربع كوب حليب بودرة

ثلث كوب زيت

ماء دافي للعجن

 معلقة صغيرة خميرة فورية

 معلقة كبيرة سكر

نصف معلقة صغيرة ملح

الحشو

2 ملعقة كبيرة زيت

 ربع كيلو صدور دجاج (مقطعة شرائح صغيرة) 

كوب فلفل ملون مقطع بالطول

بصلة مقطعة جوانح

رشة ثوم بودر

ملح وفلفل أسود حسب الذوق

 ملعقة كبيرة بهارات فاهيتا 

معلقة كبيرة عصير ليمون

جبنة موزاريلا + شيدر

 طريقة التحضير

- نخلط المكونات الجافة كويس وبعدين نضيف الزيت ونخلطهم مع بعض كويس وبعدين نضيف الماء الدافي بالتدريج ونعجن كويس لحد ما العجينة تلم معانا وندهنها زيت بسيط ونغطيها نسيبها تخمر في مكان دافي لمدة ساعة. 

- نحط الزيت في طاسة ونحميه ونضيف الدجاج ونقلب لحد ماياخد لون وبعدين نضيف بودرة الثوم والملح والفلفل الأسود وبهارات الفاهيتا ونقلب لمدة 2: 3 دقيقة وبعدين نضيف عصير الليمون ونقلب شويه وبعدين نضيف البصل والفلفل الملون ونقلب لحد ما تستوي

- نرش شوية دقيق على الرخامة وهنفرد العجينة عليها بالنشابة. - نسخن الفرن على درجة حرارة عالية ندهن الصينية بالزيت ونرش عليها دقيق بسيط ونحط فيها العجينة اللي فردناها ونسيبها 10 دقائق تستريح وبعدين اضغط عليها بإيدينا ونعملها حواف من الأطراف.

- اضغط على العجينة بأطراف الأصابع بعدين نخرمها بالشوكة وندهنها صلصة بعيد عن الأطراف. 

- نحط الحشو ماعدا الموتزاريلا وندهن الأطراف زیت بسیط (اختياري) وندخلها الفرن 10 دقائق. 

- نطلعها نحط عليها الموتزاريلا وندخلها الفرن تاني لحد ماتستوي والموتزاريلا تسيح وتاخد لون حلو، وعشان الموتزاريلا تسيح وتمط معاكي لازم تكوني مطلعها من الفريزر قبل الاستخدام بساعتين لحد ما تفك وتبقى طرية.