سوشي في البيت احسن من المطاعم كمان

 

سوشي في البيت 

هو عمتا السوشي ملوش قاعده معينه كل واحد بيحط الي بيحبه لكن الاساسايات هي 

- ورق النوري nori( سي ويبد ) ودا بتلاقيه في الهايبر 

_الرز يكون مصري عادي (او اي رز قصير الحبه انا مش هقلكم علي كل شي مستورد لان هنحاول نعنله ارخص واحلا والمستورد بيدي نتيجه مماثله لكنه اغلا لانه مستورد مش اكتر حتي برا بيبقي اغلا لانه بيستورد من اليابان)

- سوشي مات mat( حصيرة من البامبو للف السوشي ودي متوفره وفيه ناس بتستخدمها عالسفره للاطباق السخنه معروفه يعني)

-اي نوع سمك تفضليهfresh roe fish ممكن سلامون بس انا هنا حشيته ارجل الكابوريا الصناعي 

-اي نوع خضار متقطع رفيع بالطول ( خيار-جزر-بصل اخضر-افوكادو..)

-خل رز rice vingerولو مش متوفر يبقي نص كوب خل عادي وعليه نص كوب ماء ومعلقتين سكر ومعلقه ملح دا الي بيخلي الرز ستيكي يعني ملزق ودا اهم شي

- اي نوع صوص يباني تفضليه واحلا انواع هو يوناجي unagi دا ممكن تلاقيه في الهايبر والصوص الي انا عملته ودا اسهل ومتوفر في اي بيت اسمه سبايسي مايو spicy mayo 

الطريقة  :

الاول بنسلق الرز عادي مثلا كوبين منغير اي شي بس نغسله ونطبخه بالطريقه العاديه بس نزود ربع او نص كوب ماء حسب ماتحبيه طري اكتر واول ما يخلص بنحط نص كوب خل الرز عليه ونقلبه ونسيبه يبرد وبعدها نضيف نص كوب الخل المتبقي ونقلب ونبتدي 

- الفرد

- ثانيا بنغلف الحصيره بورق بلاستيك عشان تبقي سهله التنضيف والرز ميلزقش فيها ونحط عليها ورق النوري السي وويد بس الجزء المطفي لفوق دا الي بنحط عليه الرز ونبتدي نفرد وطبعا نبل ادينا كل شويه عشان ميلزقش ومنحطش كتير يكفي نفطيها بس 

-نحط ارحل الكابوريا عليها وشرحتين من كل نوع خضار وممكن جبنه كيري او creamy cheese شرايح بتدي طعم روعه ونبتدي نلف ونضغط ودي يستحن تشوفو فيديو طريقه اللف لانها تاني اهم تركه بعد الرز وسهله جدا 

- بعد اللف لازم نستخدم سكين حامي جدا للتقطيع ويستحسن كل شويه نمسحه بفوطه مبلوله بعدها نقدمه فوق اي صوص نحبه ونزوقه بالطريقه الي نحبها وبالف هنا💞

(ملحوظه)

-صوص السبايسي مايو عبارة عم مايونز عليه معلقه هوت صوص وعصرة ليمون فقط وبيدي طعم منظر رائع وممكن اضافته لارجل الكابوريا وهرسهم بالشوكه لعمل كاليفورنيا روول🌷 

-الجنجر المخلل والوسابي موجودين بالهايبر ويمكن الاستغناء عنهم عادي 🌷