(صدور الدجاج بالجبنة) تشيكن سوبريم

 

حته فراخ مقرمشه😋😋 مع صوص بيتزا بيتي وشويه جبنه وسلامي وطبق مكرونه صلصته كتييير مع عيش محمص ❤️😍 ايه كميه النشويات دي😂😂😂 على المعده السلامه 🙈🙈 يلا بينا نشوف عملناها ازاي ❤️❤️

*(صدور الدجاج بالجبنة) تشيكن سوبريم

المقادير 

نصف كيلو صدور دجاج فيليه 

أعواد بصل أخضر مفروم

2 بيض

بيبروني

جبنة موتزاريلا

جبنة بارميزان...اختياري

ربع كوب لبن

رقائق ذرة مطحونة(كورن فليكس+

دقيق

بصل بودر

ثوم بودر

بابريكا

مستردة

ملح وفلفل أسود

طريقه التحضير

اول حاجه نجيب صدور الفراخ ونبتدي نتبلها بملح وفلفل وتوم بودره وبصل بودره وبابريكا وشويه مسطرده وبعد كده ننزلهم فى دقيق وبعدها خليط مكون من 2 بيضه وربع كوب لبن ورشه ملح وفلفل وبصل بودره ونطلعهم من الخلطه دي على كورن فليكس مطحون ناعم ....والافضل ندخلهم الفريزر نص ساعه قبل القلي في زيت سخن وغزير وطلعيها بعد كده على ورق مطبخ وبعدها ننقلهم فى صاج خبز ونزود على وشهم صلصه البيتزا والجبن وقطعتين سلامي وندخلهم تحت الشوايه خمس دقايق وبسسس😋😋😋 تحفه اوي والله هتعجبكم جدااا😋😋

*(صوص البيتزا السريع)*

عصير طماطم ...او معلقتين كبار صلصه مدوبين في ربع كوب ميه

كاتشب 

باربيكيو صوص

ثوم مفروم

زيت زيتون

زعتر 

ريحان

سكر

ملح وفلفل أسود

طاسه سخنه تنزلي بزيت زيتون وشويه توم مفرومين واول ما ريحه التوم تخرج نزلي عصير طماطم وشويه كاتشب وباربيكيو وملح وفلفل ورشه سكر واول ما الخليط يغلي زودي زعتر وريحان مفرومين غلوتين كمان وبسس كده اقفلي وسبيها تبرد 😋❤️